هنري غوستاف

الدماغ اللي في الصوره قدامك تحت ده، هو الدماغ البشرية الاكتر شهره ف العالم كله وبترجع لواحد اسمه ” هنري غوستاف” وبيطلقوا عليه اسم المريض ( HM )

طيب ايه اللى خلى دماغه بالشهرة دى ايه اللى بيميزها يعنى🤔

هنرى  لما كان عنده 9 سنين كان ماشى بالعجلة بتاعته كده وعمل بيها حادث وبعد الحادث ده جاله صرع مستعصى ، وفضل يعانى من نوبات الصرع دى لسنين،

وف سنة 1953 خضع لعملية جراحية ف الدماغ وبالفعل العملية نجحت واتعافى من نوبات الصرع دى بس كمان اتسبب فى تدمير قدرته على انه يخلق ذكريات جديدة، وعاش بعدها لمدة 55 سنة من غير مايعرف يخزن اى ذكريات جديدة فى حياته، بس مع كده هو كان قادر انه يتعلم حجات جديدة بس من غير مايفتكر هو اتعلمها ازاى.

ف من هنا دماغة سمحت للعلماء بأنهم يحددوا الجزء المسئول عن وظيفة التذكر واللى هو نفس الجزء اللى اتشال من دماغه فى العملية، ومن خلاله قدروا انهم يقسموا الذاكرة لــ ( ذاكرة المدى الطويل – والمدى البعيد – وذاكرة الوعي – واللاوعي )
لان قبلها كانو لسه العلماء مكتشفوش الحجات دى وكانت الذاكرة عندهم مجرد مفهوم تجريدى مش اكتر

فى ديسمبر سنة 2008 هنرى مات وكان موافق قبل وفاته انه يتبرع بدماغه للدراسه العلمية لجامعة كاليفورنيا ومن وقتها
بقت دماغ هنري حالة علمية بتشغل المجتمع العلمي وبيدرسوها لغاية النهاردة بكل دقة.

مي محمد ✍️✍️✍️