احنا عارفين ان عاده الطيور بتكون مخلوقات هاديه وحبوبه ولطيفه خالص ده لو ما كانش عندك فوبيا طيور يعني، المهم هقولك على طائر غريب ومضحك في نفس الوقت وممكن يكون مخيف للبعض
(
) …
الطائر ده واحد من سبع انواع من جنس Nyctibius , بيعيش في امريكا الاستوائيه ويشبه البومه الى حد ما، وهو طائر ليلي بيتغذى على الثعابين والحشرات الكبيره والخفافيش والجراد، وف شكله عنده راس كبيرة وعيون صفرا جاحظة جدا ومنقار قصير بس لما بيتفتح بقى اللهم صلى على النبى🥹
وزي ما قولنا بما انه طائر ليلي يعني بيفضل ان شغله كله يبقى في الخفا وبيساعدوا على كده لون ريشه البني والرمادي واللي بيشبه في شكله لحاء الاشجار بالظبط فلما يحس بالخطر بيغمض عينه ويجمد نفسه لدرجه انه بيظهر كانه جزء من الفرع اللي هو واقف عليه ومن هنا بيستخدم الخاصيه دي كمان للتمويه عشان ينقض على اي فريسه تيجي تقف على الشجره
مي محمد ✍️✍️✍️
