عشان نجاوب السؤال ده، في حاجات لازم نعرفها:
في حاجة اسمها “التطليق للشقاق” بمعنى ان الزوجين مش طايقين بعض و مش عارفين يكملوا حياتهم سوا.
والشقاق ممكن يكون سببه تصرفات الزوج أو الزوجة أو الاتنين سوا.
والمحكمة بتندب حكَمين عشان يناقشوا الزوجين ويوصلوا لأسباب الخلاف و مين المسئول.
من حق كل واحد من الزوجين انه يقول كل الاضرار اللي صابته من الزوج الآخر.
نفترض إن الزوج أثبت للحكمين إن زوجته بتشتمه أو بتطرده من البيت أو بتمنعه من معاشرتها أو بتطلب منه طلبات مادية فوق مقدرته.
في الحالة دي، الحكمين بيكتبوا تقرير بإن الزوجة هي سبب الشقاق،(و انها منكدة على الراجل عيشته)
طب المحكمة تعمل ايه؟
المحكمة هتعرض فرصة اخيرة للصلح و تعرف الزوجة غلطها.
إذا استمرت الزوجة على نفس سلوكها، المحكمة هتصدر حكم بالتطليق للشقاق و استحكام النفور.
و لأن سبب الطلاق راجع للزوجة، مش بيبقى ليها حق طلب نفقة عدة أو متعة.
و كمان ممكن للمحكمة انها تلزم الزوجة بتعويض الزوج و رد الصداق “المهر” اللي دفعه ليها….
مي محمد ✍️✍️✍️