زمان لما كان اتنين صحاب يلعبوا لعبة، وواحد فيهم يخالف قواعدها، كان التاني بيقول: “مش لاعب”. …
أهو في القانون أسمه”الدفع بعدم التنفيذ” نفس الفكرة كدة.
لما بتعمل عقد مع واحد، وميلتزمش ببنود العقد، من حقك تدفع بعدم التنفيذ، بمعنى انك انت كمان تمتنع عن تنفيذ التزاماتك.
مثلًا، في عقد الإيجار:
لو المالك منع المستأجر من الانتفاع بالشقة، المستأجر مش هيدفع أجرة (هيمتنع عن تنفيذ التزامه بسداد الأجرة)أو بمعنى تاني: “هيستخدم حقه في حبس الأجرة” لغاية ما المالك “يمكنه من الإنتفاع بيها”.
ومثل تاني في عقد العمل:
إذا صاحب العمل امتنع عن دفع الراتب، فيمكن للعامل انه يمتنع عن العمل و يسيب الشغل إذا استمر امتناع صاحب العمل عن سداد الراتب بعد إنذاره (و ده يعتبر دفع من العامل بعدم تنفيذ التزامه ببذل الجهد)
وحتى في عقد الزواج:
ممكن الزوجة تمتنع عن تمكين زوجها من نفسها، إذا هو امتنع عن دفع صداقها “المهر”.
وممكن تمتنع عن العودة لمنزل الزوجية، إذا الزوج امتنع عن توفير الشروط الشرعية للمسكن…..
مي محمد ✍️✍️✍️