( أ ) محكمة الجنح
ببساطة الجنح اللي مفيهاش كفالة والحكم فيها بيكون واجب النفاذ بمجرد صدوره , دي لازم المتهم يحضر المحاكمة بنفسه ولا يجوز الحضور عنه بتوكيل
طيب ايه هي الجنح دي اللي مفيهاش كفالة والحكم فيها بيكون واجب النفاذ
(الجنح دي هي :(السرقة – الآداب – التسول _الاتلاف العمدي_حيازة سلاح)
يعني في اي جنحة منهم لازم حضرتك تخلي المتهم يحضر بنفسه في المحكمة
إنما اي جنحة غير الجنح دي مش لازم المتهم يحضر بنفسه إنما يجوز انك تحضر عنه بتوكيل زي جنح النصب , الشيكات
(ب) محكمة جنح مستأنف
مبدئيا كدا اذا كانت الجنحة اقيمت امام محكمة الجنح (جنحة غير مباشرة)
يعني محضر في القسم او في النيابة وصدر فيها حكم بالحبس
في الحالة دي لازم المتهم يحضر بنفسه قدام محكمة جنح مستأنف
والكلام دا ينطبق على كل الجنح مهما كان نوعها
ودا لأن الجنح الغير مباشرة الصادر فيها حكم بالحبس
لما تيجي محكمة جنح مستأنف تحكم فيها بيكون حكمها واجب النفاذ مجرد صدوره.
الجنح المباشره يستلزم لعدم حضور المتهم امام المستانف هو سداد الكفاله
طيب اذا كانت الجنحة اقيمت امام محكمة الجنح (جنحة مباشرة)
في الحالة دي مش لازم المتهم يحضر قدام جنح مستأنف حتى اذا كان حكم أول درجة بالحبس وحتى اذا كانت الجنحة من الجنح اللي الحضور فيها وجوبي قدام محكمة الجنح , مش لازم يحضر المتهم ويجوز انك تحضر عنه بتوكيل والكلام دا ينطبق على كل الجنح مهما كان نوعها
دا ان حضرتك اذا كنت وكيل المجني عليه الافضل ليك لما تيجي تعمل جنحة تعملها غير مباشرة علشان في الحالة دي حضور المتهم وجوبي قدام محكمة جنح مستأنف
ودا بيمثل ضغط عليه خصوصا في الجنح اللي بيجوز فيها الصلح
واذا كنت وكيل المتهم انك تعرف هل يجوز حضورك بتوكيل عن موكلك ولا لازم هو يحضر بنفسه في المحكمة
جزئية مهمة : في حالة صدور حكم اول درجة بالبراءة في جنحة الحضور فيها وجوبي
ثم استأنفت النيابة الحكم بيكون حضور المتهم وجوبي امام جنح مستأنف
انت كمحامي في الحالة دي من الأفضل ليك ان موكلك مايحضرش
لأنه اذا قامت جنح مستانف بتعديل الحكم وحكمت بالحبس يبقى الحكم هيتنفذ على موكلك
الافضل انه ميحضرش لأن حكم جنح مستأنف قد يصدر بتأييد حكم البراءة أو قد يصدر حكم بالحبس غيابي ويكون من حقك تعمل معارضة استئنافية
ويضاف إلي ذلك كله لو قررت المحكمة التأجيل لمثول المتهم صار الحضور وجوبيا في جميع الجرائم وفي كل الدرجات
نضيف للاسف محكمة النقض لها أحكام عديدة توجب حضور المتهم بشخصه حال استئناف النيابة لحكم البراءة حتى ولو كان الحبس جوازى….
مي محمد ✍️✍️✍️