ازاي تبلغ عن الذيادات في الاسعار ؟

الدنيا بتغلى والأسعار بتزيد واحنا لازم نواجهها بكل الطرق اللي نقدر عليها..

وخلال الأسابيع اللي فاتت السيد رئيس الوزراء، والسادة المسؤولين، طالبوا الناس أنها تتقدم بشكاوى يبلغوا فيها عن التجار اللي بيزودوا الأسعار بطريقة غير منطقية وغير مبررة..

 وبغض النظر عن أن دا مش الحل الوحيد، وأن أزمة زيادة الأسعار في مصر مينفعش اختزالها في جشع التجار ورغبتهم في المكسب..

لكن يبقى في النهاية أن دي واحدة من الوسائل المهمة والمطلوبة عشان نقدر نواجه انفلات الوضع وارتفاع الأسعار المبالغ فيه في مصر واللي المواطن بيتضرر منه..

وأنا حاولت أجمع في السطور اللي جاية أهم الوسائل اللي ممكن نلجأ ليها لو حبينا نبلغ عن تاجر جشع بيغلي الأسعار بشكل غير منطقي:

* أول جهة ممكن نتواصل معاها، هي جهاز حماية المستهلك، اللي بيتلقى البلاغات بشأن ارتفاع أسعار السلع على مدار الـ24 ساعة، من خلال رقم الخط الساخن لحماية المستهلك، وهو “19588” أو عبر رقم “الواتساب 01577779999”.

* وممكن كمان نتواصل مع الجهاز من خلال منصاته على مواقع التواصل الاجتماعي المختلفة أو موقعه على الإنترنت..

* ولو حابين نقدم الشكوى يدًا بيد فممكن نتوجه إلى مقر جهاز حماية المستهلك وعنوانه  96 شارع أحمد عرابي – المهندسين أو 115 ب القرية الذكية ونقدم هناك الشكوى..

* الجهة الثانية اللي نقدر نقدم ليها شكوانا هي وزارة التموين على الرقم الساخن 19468، أو 27948224 أو 27944338 أو 27958481 أو 27948184 او الفاكس رقم 0233055753….

مي محمد ✍️✍️✍️