ألا تنصروه فقد نصره الله …..
نص الدين الاسلامي الحديث علي أحترام الأخر بمعتقداته والتعامل بالتسامح والمحبة مع معتنق الديانات الاخري ونهي الله سبحانه وتعالي في كتابه العزيز ومحكم ايات النهي الصريحة وواضحًا في الآيه الكريمة بصوره الأنعام “بسم الله الرحم الرحيم ”
“ولا تسبو الذين يدعون من دون الله ، فيسبوا الله عدوا بغير علم ،كذلك زينا لكل أمه عملهم ثم الي ربهم مرجعهم فينبئهم بما كانوا يعملون ”
من كام يوم حصلت قصه حزينة جدًا وكان لها صدي كبير جدًا وتفاعل علي مواقع التواصل الاجتماعي في مصر لما ظهرت محادثه بين اتنين شباب مصريين واحد مسلم والتاني مسيحي الديانة .
القصه بدأت لما الاتنين دول دخلوا في نقاش مع بعض علي رسايل احدي مواقع التواصل الاجتماعي وده اللي بتأكدوا الاسكرينات اللي سربها الشاب المسلم بكلام الشاب المسيحي ابانوب عماد .
طبعا الكلام كان مسئ وفيه تطاول علي النبي الكريم محمد صلي الله عليه وسلم بأبشع الألفاظ وطبيعي تحصل غيره علي اي مسلم طبيعي علي دين نبيه فالموضوع انتقل للعالم.
حتي تعرف مين هو ابانوب عماد اللي تطاول علي نبينا الكريم صلي الله عليه وسلم
• ابانوب شاب مصري مسيحي الديانة طالب بكلية طب الأسنان جامعه الزقازيق عمره ٢٠ سنه قام بالتطاول والاساءة للرسول صلي الله عليه وسلم في مراسلات علي السوشيال مديا وطبعا الكلام كان في منتهي البذاءة ،لما ظهرت الرسايل وردود ابانوب دي حصل حاله من الغضب بين المسلمين علي مواقع التواصل الاجتماعي وده امر طبيعي ومنطقي لآنه مرفوض الاساءة بإي صوره واي طريقة ومن اي شخص زي ماعمل ابانوب طبعا التصرف الغير لائق من الشاب ده عمل مشكله كبيره وده طبيعي جدا انه يحصل وبدأ يظهر بالفعل هاشتاج بالمطالبة بمعاقبة ابانوب بتهمة ازدراء الأديان .
والازدراء الديني هو عدم تقدير او الاحترام لدين الأخر او الشخصيات الدينية والرموز والعادات والمعتقدات في الديانات الأخري .
وهنا بدأت تظهر محاولات تبرير فاشلة بدايةً من ان الشاب المسلم هو اللي سرب المحادثة وهو اللي غلطان ..بس معلش يعني !! هو مش طبيعي ان يكون ده رد فعل اي شاب مسلم بعد التطاول المهين من ابانوب علي الله ونبيه واساءته للدين الاسلامي .
ابانوب لما لقي الهجوم ذاد عليه من كل شخص غضبان وغيران علي دينه طلع علي صفحته علي الفيس بوك وكتب منشور مكتوب فيه
“إخواتي واصدقائي الاعزاء لقد تم سرقة حسابي من احد ال hackers الغير معلومة لدي وقام مستخدما الحساب المسروق لتوجيه بعض الإساءات التي لا ارض عنها ولم تصدر مني .وقمت بتحرير محضر بالإدارة العامة لتكنولوجيا المعلومات بوزاره الداخليه واعتذر لجميع اخوتي واصدقائي المسلمين بشدة علي اي اساءة قد نسبت ”
طبعا كتابه منشور زي ده استحالة يخلي مسلم واحد يسامح شخص علي إساءته لسيدنا محمد صلي الله عليه وسلم خصوصًا بعد التسريبات الصوتية اللي بتأكد عدم فبركة المحادثات زي ماادعي.
ابانوب لما لقي ان قصه تهكير صفحته اللي اخترعها فشلت في اقناع الأصوات الغاضبة بالتغاضي عن الموضوع وان كل الناس مصممين علي جعله عبرة لإي حد يسئ للدين الاسلامي وبسيدنا محمد صلي الله عليه وسلم فقام بمحاولة الاستعطاف والبكاء واتحول لمرحله الاعتذار ولكن هي كمان اتقابلت بالرفض بسبب غضب ملايين المسلمين من كل بقاع الارض .
واللي قاله ازاي شخص مذدري الدين يشتم نبي الامه الاسلاميه ورسولها صلي الله عليه وسلم وازاي نسمح له ازاي تجرء علي سيد الخلق واشرف المرسلين من غير عقاب فإطلقوا حمله ألا رسول الله .
ده غير مئات الطلاب من جامعة الزقازيق اللي دافعوا عن نصره النبي صلي الله عليه وسلم ونشروا عبارات بيطالبوا بيها رئيس الجامعة بمحاكمة الطالب ابانوب لما قام بيه من ازدراء للدين الاسلامي وشتم النبي صلي الله عليه وسلم وعدم احترام ألدين الإسلامي والنظر في أمر التحاقه بالجامعة أيضًا .
كما نشر اخرون عباره إلا تنصروه فقد نصره الله ومطالبين الجهات المختصه بمحاسبة ابانوب .
وبالفعل بدأت جامعه الزقازيق في محاسبة طالبها ابانوب وتحويله لمجلس التأديب والتحقيق ولكنها لم تنشر حتي الآن اي معلومات علي موقعها الرسمي .
من الناحيه الاخري تصاعد الامر وظهر اخرين لدعم ابانوب زي شخص اسمه بولا وقرر نفس الاساءه في النبي صلي الله عليه وسلم وده ذود الآمر صعوبة وبالفعل تم القبض علي ابانوب والتحقيق معاه ،لكن هل الآمر سكت علي كده ؟؟؟لااا
ظهرت صفحه تانيه بإسم اسماء نور بتهدد لو إلامن مأفرجش عن ابانوب والناس مبطلتش تكتب عنه هيعملوا صفحات مزيفة بعدد كبير وهيتم التطاول من خلالها علي النبي صلي الله عليه وسلم والدين الإسلامي وللأسف بدأت صفحه اسماء نور في ده ونشرت عده منشورات مسيئة لله ولرسوله ومن ضمن المنشورات دي منشور غريب ومقلق ،لما ظهرت الصفحة دي ظهر معاها ناس بتقول ان فيه حد بالفعل متربص لمصر وعايز يعمل فتنه طائفية وقالت ان جاي أوامر من مصدر موثوق فيه ان الشباب المسيحيين يكملوا في شتم الرسول صلي الله عليه وسلم ومحدش هيقدر يعملهم حاجه .
ده غير استقوائهم بالخارج اللي ظهر بوضوح لما الصفحه دي اعلنت عن كلامها بهاشتاج للأمم المتحدة وكأنه تهديد مباشر وصريح لو مخرجش ابانوب هندخل الغرب ،طبعا ده غير مقبول وللأسف واضح ان حد عايز يثير الموضوع اكبر ويدخلنا كاشعب طول عمره ايد واحده لحرب اهليه وفتنه طائفية وده واضح في كلام بولا واسماء نور اللي بيتعمدوا يجر المسلمين للغلط واستغلالهم لوجود بعض المندفعين والمتهورين واللي هيؤدي لوجود مشاحنات من أطراف مختلفة وده اللي بالفعل كان واضح جدا من ردود المسلمين الغاضبة ،وعلي الجانب الأخر ردود فعل المدافعين عن ابانوب .
للأسف احنا وصلنا لمرحله اللي بقي فيها بتستخدم التطاول علي النبي صلي الله عليه وسلم كاوسيله لافتعال الفتن وتوهج نار الفرقة وده هدف عايز يوصله بعض اهل الشر واللي واضح جدا اللي بالفعل تم استغلاله واللي ظهر في صفحات بعض المدافعين عن اللي عمله ابانوب لكن عشان احنا في دوله قانون تم تجريم ازدراء اديان بالفعل ومعروف ان لو حصل من اي شخص هذا الازدراء فلابد من وقعوه تحت المساءلة القانونية والحبس مده لا تقل عن ٦ اشهر ولا تذيد عن٥ سنوات وده لوجود قانون صريح بيعاقب كل من يستغل الدين او يسئ لدين الغير عن طريق القول والفعل او نشرالافكار المتطرفة لأي دين من الاديان السماوية واي فعل يكون ليه اضرار للوحدة الوطنية .
طبعا القانون لا يخص حد معين ولكنه عام وبينفذ علي الجميع .
الحقيقة ان قضايا ازدراء الأديان كتيره وابانوب عماد مش اول شخص يتطاول ويتم المطالبة بمحاكمته
للاسف فيه شباب كتير متعرفش حاجه في احترام الغير لعقيدته وانه بيعمل الموضوع ده حتي لو علي خبر عادي لوفاه رجل دين مختلف عنه في الديانة وده منتشر جدا لما تلاقي تعليقات بسخرية .
للاسف بعض افعال الشباب الغير مسؤله دي بتصنع حاله من الاحتقان وده اللي بيتصيدوا اهل الشر وبيصنعوا من خلاله فجوه بين ابناء الوطن الواحد زي ماحدث في الزقازيق وكان علي وشك الوقوع في فتنه طائفية بسبب ابانوب عماد واللي عمله وبرغم كل ده للأسف مازال المهزله مستمره من شباب لا عرف يعني ايه يحافظ علي وطنه ولا عرف احترام الاخ رلمعتقداته .
• خليني اقولك بردو ان سنه ٢٠١٢ حدثت قصه زي اللي عملها ابانوب وده لما تطاول ٧ شباب مسيحيين وعملوا فيلم مسئ للنبي صلي الله عليه وسلم .
• في نفس السنه تم القبض علي طفلين مسيحيين الديانه وسنهم لا يتجاوز ال ١٠ سنوات قاموا بتمزيق المصحف .
وده يخليك تسال نفسك وتقول طب احنا كالمسلمين ربنا الزمنا بإحترام السيد المسيح عليه السلام والسيده مريم عليها السلام وواجب علي كل مسلم الدفاع عنهم ورد الإساءة طب ليه كل فتره نلاقي شباب بيحاولوا يستفذوا المسلمين ويتطاولوا علي الدين الاسلامي ورسوله وصنع فتنه ده غير التلميح دايما الاستجواء بالغرب والامم المتحدة ،القانون واضح وتم تطبيقه علي ناس كتير أساءت زي ابانوب عماد وممنوع اظهار الاساءة لاي دين وطبعا معاقبه اي متورط في امر زي ده وطبيعي انك تقول رأيك وتتناقش مع الاخر اذا كان ده ضروري ولكن بإحترام مينفعش انا كا مسلم اروح اتطاول علي اي رمز للدين المسيحي او اسخر من اي عقيدة تانيه واسمي دي حرية شخصية وللاسف اكتر قضايا الازدراء كانت عن طريق المواطنين المتطرفين الغير مسلمين عشان كده اي طرف يثبت تورطه يلاقي حسابه حفاظًا علي وطن قال فيه النبي صلي الله عليه وسلم” اهل مصر في رباطا حتي يوم القيامه ” واوصي صلي الله عليه وسلم بأهلها خيرًا وقال” ستفتح عليكم بعدي مصر فاستوصوا بإهلها خيرًا فإن لكم منها زمه ورحمه ” وقال عمر ابن الخطاب رضي الله عنه لعمر ابن العاص عن مصر ” ان فتحتها كانت قوه للمسلمين وعونًا لهم وهي اكثر الارض أموالًا
اللي حصل من ابانوب للاسف قادر يعكر صفو شعب عاش سنين ميعرفش حاجه عن الفتنه عشان كده بنلاقي المطالبات المشروعة والضرورية بمعاقبة اي شخص تسوله نفسه بالتطاول علي دين الغير .
“اللهم جنب مصر واهلها الفتنه واجعلهم في رباط الي يوم القيامة “وكله الا التجرأ علي اشرف الخلق سيدنا محمد صلي الله عليه وسلم .
واخيرا نحب نقول ان من أمن العقاب اساء الادب عشان كده بنناشد المسؤلين بتوقيع اقصي العقوبات علي اي شخص يتطاول علي اي معتقد ديني لشخص اخر وان الاجهزه الامنية اتحركت فور حدوث الموضوع وانتشاره وتم القبض عليه وهو الآن في التحقيقات وهيظهر فعلا هو ولا اكونت وهمي زي ادعاءه واحنا بلد واحده وربنا امرنا بإحترام الاديان السماوية حفظ الله شعب مصر بكل طوائفه .
مي محمد ✍️✍️✍️