سنه 1993 واحده اسمها “ليزا هولست” كانت كاتبه كتبت مقالات كثيرة ركزت فيها على حقائق منتشره جدا وواحده من المقالات دي كتبت فيها عن شخص قال ان هو بيبلع اربع عناكب سنويا وهو نايم!
الحقيقة دى كانت انتشرت وقتها جدا على وسائل التواصل الاجتماعي وبدأو يقولو ان كل شخص مننا بيبلع وهو نايم 4 عناكب كل سنة،
وممكن يكون حد منكم سمع بالكلام ده قبل كده، انت متخيل طيب الكلام ده انك واثناء م انت نايم بسلام ومرتاح تاكل عنكبوت من غير قصدك
نيجى للجد بقى … هل الكلام ده صحيح فعلا؟؟
اسمحلى اقولك ان من حسن حظك تقدر تنام مرتاح النهاردة لان الموضوع ده ماهو الا اسطورة هبلة ومستبعد تماما انه يحصل وده لاسباب كتيره منها
اول حاجه ان لازم بوقك يكون مفتوح وانت نايم عشان سيادة العنكبوت يدخل برجله اليمين، ومعظمنا المفروض بنكون قافلينه
تانى حاجه لازم يكون فى عنكبوت بيتفسح ف اوضتك كده رايح جاى وده غالبا مستبعد لاننا المفروض عايشين ف بيئة متحضرة والمفروض اننا بننظف وكده.
واخيرا بقى نفسك اللى بيطلع منك وانت نايم مع ضربات قلبك بيعملو اهتزازات وذبذبات بتمثل تهديد للعناكب وده لان العنكبوت عامة عايش حياته على الاحساس بالذبذبات اللى بتصدر من اى عدو ليه وبالتالى ضربات قلب الانسان الضخم ده بتمثل حاجه مرعبة بالنسبة لعنكبوت ….
مي محمد ✍️✍️✍️