اقوى 7 انفجارات حدثت على سطح الارض
الانفجار الاول : انفجار دلفت ثوندر كلوب …
الانفجار ده حصل في 12 اكتوبر سنه 1654 في المدينه الهولنديه دلفت بسبب اشتعال 30 طن من البارود المخزن واتسبب وفاة 1200 شخص من سكان المنطقه
الانتفجار الثاني :انفجار هاليفاكس …
حصل الانفجار ده فى 9 ديسمبر سنه 1917 وبيعتبر من اكبر الانفجارات اللي اتعرفت بسبب الاخطاء البشريه حصل الانفجار ده على سواحل كندا بسبب اصطدام سفينتين واحده منهم كانت محمله اطنان من المتفجرات عشان يستخدموها في الحرب العالميه الاولى وتسبب بمقتل 1,600 شخص واصابه 9000 ثانيين وكمان اتسبب في موجات تسونامي اللي دمرت مدينه نوفاسكوشا على ساحل كندا
الانفجار الثالت :تفجير معركة ماسينزز …
حصل في سنه 1917 وقتل حوالي 10,000 مقاتل الماني بسبب ان القوات البريطانيه حفرت تحت الاماكن اللي بيتجمع فيها المشاه للجيش الالماني وزرعوا المتفجرات وكان الانفجار ده اكبر انفجار من صنع الانسان لغايه اللحظه دي.
الانفجار الرابع :انفجار هيروشيما وناجازاكي …
اظن ان في بعض منكم قرا عن الانفجار ده قبل كده الانفجار ده حصل في نهايه الحرب العالميه الثانيه في اغسطس 1945 لما الولايات المتحده الامريكيه رمت قنبلتين واحده اسمها “قنبله الرجل السمين” وقنبله اسمها “الفتى الصغير” على هيروشيما وناجازاكى وقوة القنبلتين دول مع بعض بتساوى 37 طن، واللي بدورهم تسببوا في مقتل 140,000 شخص و 80 الف في ناجازاكى، مات نصهم وقت القنبلة والنص التانى مات متآثر بجروحه واوجاعه.
الانفجار الخامس :انفجار قنبلة IV KING (قنبلة الانشطار النووي)…
يعتبر من اكبر الانفجارات اللي حصلت على وش الارض من فعل الانسان لان قوه الانشطار النووي اللي حصلت فيه بتفوق قوة القنبله اللي اترمت على هيروشيما ب 30 مره !
الانفجار السادس:انفجار تونغوسكا …
الكارثة دى حصلت الساعه 7:17 الصبح فى يوم 30 يونيو سنه 1908 بالقرب من نهر اسمه تونغوسكا في سيربيريا,بروسيا، ولحد الان ما حدش عارف ايه هو السبب ورا الانفجار ده بس في فرضيات قالت ان نيزك اصطدم في الارض وكانت قوته بتساوي 1000 ضعف قوه القنبله النوويه اللي سقطت على هيروشيما وناجازاكي، ومكنش في احصائيات متوفره عن عدد الضحايا
الانفجار السابع :انفجار قنبلة القيصر …
دي قنبله هيدروجينيه بتحتوي على ثلاث مراحل انفجار بيكون جواها حاجه زي فتيل كده عشان يشعلوا النار من خلاله ويولد درجه حراره بتفوق المليون درجه عشان تعمل اندماج نووي بينتج عنه قوه هائله بتتقاس بالميجا طن وكل واحد ميجا طن بيساوي مليون طن يعني قوتها بتعادل 4000 ضعف قوه القنبله النوويه اللى انتجتها روسيا.
وصل الارتفاع الاقصى للسحابه الناتجه عنها 64 كيلو متر والموجات الناتجه عن الانفجار ده طافت حوالين الارض باكملها ثلاث مرات ! وداب ثلث سطح الارض تحت منطقه الانفجار واتحولت الصخور لرماد وتحولت بقيه الارض لسطح من زجاج.
مي محمد ✍️✍️✍️