اللي في الصوره قدامك دي طفيليه اسمها(Cymothoa exigua)
مالها الطفيليه دي ؟
الطفيليه دي يا سيدي من اسمها يعنى بما انها طفيليه بتروح تطفل على السمكه وتدخلها من الخياشيم وبتقطع لسانها وتقعد مكانه
وكل لما السمكه تروح عشان تاكل الطفيليه دي هي اللي بتاكل الاكل ما هي السمكه ما بقاش عندها لسان بقى خلاص
السمكه تعمل ايه بقى تسكت لا والله ابدا ما هو لسانها بردو ياناس
السمكه تقوم رايحه تطلب المساعده من واحد من انواع الجمبري المنظف اسمه “جمبري بيدرسون” وتقوله ساعدني ده انا غلبانه وبجري على يتامى، يقوم الجمبري قايلها حاضر من عيني يا ست الكل ويروح فارد جناحاته ويلعب دور المنقذ ويقوم شايل الطفيليه وقاتلها فورا !
اما بقى لو الجمبري كان مغرور ومرضاش يساعد السمكه فهنا بقى السمكه بتكون مجرد وعاء بس مهمته احتواء وتغذية الطفيليه دي لغاية لما تموت من الجوع وتخرج الطفيلية منها وتستكمل مهمتها مع ضحية جديدة.
مي محمد ✍️✍️✍️