تعالى أحكيلك عن أبشـ.ـع طريقة أعدام ممكن تتخيلها
“إعدام سُليمان الحلبي”!
بعد سقوط ملكية فرنسا، وتحولها من ملكية لرئاسية جمهورية، واللي كان في نفس الوقت (أوروبا) كلها تتبع الحكم الملكي، خافت الدول الأوروبية من أن أفكار الثورة من الشعوب بتاعتهم تشيلهم، وتعـ.ـدمهم زي ما حصل مع لويس الـ16 آخر ملوك فرنسا، فعملوا حصارّ أوروبي بقيادة (أنجلترا) – العدوة الأولى لفرنسا وقتها – وبما أن نابليون كان معروف إنه مميز بسرعة البديهه والذكاء.. فكرّ برا الصندوق!
قال مين الدولة الضعيفة اللي أقدر احتـ.ـلها بجيشي المُستنزف من الحصار، واللي منها أقدر اسيطر على تجارة العالم؟ – بما أن أنجلترا كانت وقتها مسيطرة على طريق رأس الرجاء الصالح اللي بيبدأ عندها وصولًا لأسيا و أمبراطوريتها اللي صنعتها من احـ.ـتلال الهند – الأجابة كانت عند مصر!
الدولة العثمانية مشغولة بحربـ.ـها مع روسيا، والمماليك مشغولين بحروبهم مع بعض.. وبالفعل دخل نابليون بجيشه مصر، في الأول بطريقة وردية أنا جاي أحرركم واساعدكم، وعين شيوخ من الأزهر مستشارين عشان الشعب المصري المتدين يحبه، ويرضى بحكمه!
بس المصريين مرضيوش باحتلال فرنسا، هما أصلًا عارفين المماليك ومتربين معاهم، وبيحبوا الدولة العثمانية..
فرفضوا بدأوا يعملوا ثورات احتجاجية كان كل مرة بتقف بقتـ.ـل مئات من المصريين، طبعًا انجلترا محبتش دخوله مصر وفهمت اللعبة، ولا الدولة العثمانية اللي كانت مصر جزء من دولتها.. خاصة مع المجـ.ـازر اللي بتحصل في مصر!
زاد الحصار الأوروبي على فرنسا ومشي نابليون وهو متنكر في زي تاجر عربي ورجع لبلدة، وساب كليبر وراه اللي كان قائد الجيش وقتها.. وبالرغم إن نابليون قبل ما يمشي كان مكرر إنه ينهي الحملة بأنه يعمل معاهدة سلام مع الدولة العثمانية وأنجلترا.
كليبر كان طمعان في مصر، المصريين مسكتوش على الناس اللي ماتـ.ـت، ولا العرب من شبه الجزيرة العربية والشام، وقتها دخلوا حدود مصر وانضموا لأهل الصعيد في مقاومتهم، وقتها حصلت ثورة القاهرة التانية كانت ثورة دموية وزاد وغطى إنهم دخلوا بالأحصنة جامع الأزهر، وقتلوا الشيوخ جوا المسجد، ولوثوا المسجد كمان بقاذورات الحيوانات..
وفي سنة 1800م كان “سليمان الحلبي” شاب سوري هادي، وخلقه طيب على حسب كل مشايخه، كان بيدرس في الأزهر، وكان من ضمن المشايخ اللي ماتوا “أحمد الشرقاوي” اللي قيل إنه كان مُدرسه وقتها.. كان أصلًا سليمان الحلبي حاقد على اللي بيحصل وصعبان عليه اللي بيشوفه وبيسمعه.. لحد ما عرف بوفاة شيخة وده أشعل فتيل الانتقام!
وقتها قال لـ 4 مشايخ بخطته بقتـ.ـل كليبر، وراح بخنجره وهو عامل نفسه شحاذ، وتظاهر إنه بيقرب منه عشان يشحذ.. وعلى حين غرة ضـ.ـربه بخنجره بقوة، وكان مهندس كليبر معاه هيهـ.ـاجم سليمان فضـ.ـربه 6 ضربات ورجع ضـ.ـرب كليبر 3 طعنـ.ـات كمان عشان يتأكد إنه ما.ت، الدنيا اتقلبت والجنود احتشدوا.. هرب كليبر وخباه الأربع شيوخ خوفًا من الجنود عليه..
الجنود لقوه مستخبي بعدها بساعة قريب من المكان، وعملوا محاكمة عسكرية كلها قُضاه فرنسيين طبعًا، طبعًا مقالوش إنه كليبر مُغتـ.ـصب للأرض، ولا أنه قاتـ.ـل لمئات المصريين خلال شهور، بل قالوا إن سليمان قتـ.ـل كليبر لأنه كان مديون وعليه ضرايب كبيرة، والدولة العثمانية وعدته إنه لو قـ.تله مش هتخليه يدفع ضرايب!! “ودي القصة المؤرخة في كتبهم عن البطل كليبر والمجـ رم سليمان”
في ميدان عام بعدها بـ 4 أيام، عيزاك تتخيل معايا كم الألـ.ـم اللي عاشه..
كان الحكم الأول على سليمان إنه يحـ.ـرق ايده اللي طعن بيها، ويحطها في زيت مغلي.. وبالفعل هو راح بنفسه حطها ومخرجش منه صوت رغم الألم الصعب اللي حسه، تاني حكم أنهم جابوا الـ 4 مشايخ اللي ساعدوه عدموهم بقطع راسهم قدام عينه.. أخر حاجة بقا حطوا جسمه وهو صاحي في خـ.ــ.ـازوق بيمـ.ـزق جسمه ببطء، وما.ت بعدها بـ 5 ساعات من العـ.ـذاب، بعدين قطـ.ـعوا راسوا، واحتفظوا بيها في متحف في فرنسا على أنه المجرم، وجنبها ر.اس البطل كليبر اللي اغتـ.ـيل ظلم بسبب جشع سليمان على حسب القصة المؤرخة عندهم طبعًا..
ومن هنا انتهت قصة بطلنا!
مي محمد ✍️✍️✍️