التعويم الخفي
في تعويم واضح للجنيه و في تعويم خفي
التعويم الواضح هو ان ينخفض الجنيه رسميا امام الدولار ، ذي ما حصل في السابق عدة مرات …. تقول تعويم مرن ، تقول تخفيض للجنيه ، تقول تحريك للجنيه … كلها محصله بعضها النتيجه ان الجنيه بينخفض امام الدولار رسميا .
طيب هو ايه التعويم الخفي ؟؟
ان مفيش دولار لاستيراد السلع و الخامات من الخارج ، او تعطيل للاستيراد لحد ما ، ينتج عنه ان السلع لا تتوفر بكميه كافيه في الاسواق ، يحصل مضاربه على اسعارها و ترتفع الاسعار بصورة مبالغ فيها …. النتيجه ان الطلب على السلع ينخفض نتيجه ارتفاع اسعارها المبالغ فيها
هو ده التعويم الخفي
اي حد حافظ مش فاهم اقتصاد هيقول نرفع الفائدة عشان نعالج تضخم الاسعار ، طبعا الكلام ده مش واقعي حاليا ، عشان ارتفاع التضخم مش بسبب ان في فلوس كتير في ايد الناس ، بالعكس التضخم مرتفع عشان السلع كمياتها قليله جدا في الاسواق بسبب صعوبه توفير الدولار من اجل استيراد السلع و خامات التصنيع من الخارج
الخلاصه
اي تعويم جديد مش هيحل المشكله
اي رفع فايدة مش هيحل المشكله بالعكس هيعقد الوضع الحالي
الحل الوحيد
ترشيد النفقات و تنظيم المصاريف بحكمه للحفاظ على العمله الصعبه و توجيه الدولار الي الأولويات
الحل الثاني محاربه تداول الدولار خارج البنوك
الحل الثالث تشجيع السياحه الخارجيه لمصر مع حمله دعايه غير مسبوقه
الحل الرابع تشجيع مع تسهيلات للقطاع الخاص على التصدير لكن عائد التصدير الدولاري يضخ في الاقتصاد المصري من جديد
التعويم سيعمق المشكله
مي محمد ✍️✍️✍️