المعتاد ان المحكمة تحكم بتطليق الزوجة التي يثبت اضرار زوجها بها.
لكن هل ممكن المحكمة تحكم بتطليق الزوجة بناء على إضرارها بالزوج؟؟
📔📗
عشان نجاوب السؤال ده، في (٤) حاجات لازم نعرفها:
👇 👇
١. في حاجة اسمها “التطليق للشقاق” بمعنى ان الزوجين مش طايقين بعض و مش عارفين يكملوا حياتهم سوا “استحكام النفور”
٢. “الشقاق” ممكن يكون سببه تصرفات الزوج أو الزوجة أو الاتنين سوا
٣. المحكمة بتندب حكَمين عشان يناقشوا الزوجين و يوصلوا لأسباب الخلاف و مين المسئول.
٤. من حق كل واحد من الزوجين انه يقول كل الاضرار اللي صابته من الزوج الآخر.
📗📔
نفترض ان الزوج اثبت للحكمين ان زوجته بتشتمه أو بتطرده من البيت أو مش بتمنعه عن معاشرتها أو بتطلب منه طلبات مادية فوق مقدرته، أو ممتنة عن تنفيذ حكم طاعة.
👇 👇
في الحالة دي، الحكمين بيكتبوا تقرير بإن الزوجة هي سبب الشقاق، (و انها منكدة على الراجل عيشته)
📗📔
طب المحكمة تعمل ايه؟
١. المحكمة هتعرض فرصة اخيرة للصلح و تعرف الزوجة غلطها.
٢.اذا استمرت الزوجة على نفس سلوكها، المحكمة هتصدر حكم بالتطليق للشقاق و استحكام النفور.
📗📔
و لأن سبب الطلاق راجع للزوجة، مش بيبقى ليها حق طلب نفقة عدة أو متعة.
و كمان ممكن للمحكمة انها تلزم الزوجة بتعويض الزوج و رد الصداق “المهر” اللي دفعه ليها
📗📔
المادة ١١ من قانون الأحوال الشخصية رقم ٢٥ لسنة ١٩٢٩
“إذا عجز الحكمين عن الإصلاح وثبت أن الإساءة كانت كلها من جانب الزوجة تلتزم بدفع بدل للمهر الذى أعطاها لها زوجها”.
👌👌
مي محمد ✍️✍️✍️