ليــــه تــــرفع دعـــــوى صحـــــة تـــــــوقيع ؟
و مين اللي قال ملهاش لزمة ؟
ركز معايـــا …
لو حضرتك قمت بشراء شقة أو أرض أو محل تجاري فأنت لازم تلجأ لمحامي لرفع دعوى صحة التوقيع على عقد البيع لضمان كافة حقوقك
اه هي فعلاً دعوى تحفظية ملهاش علاقة ببنود العقد لكن تعالى نعرفك اهميتها :-
👈 هي دعوى تعطي عقد البيع صفة الرسمية و ده لأن العقد بيتختم بختم خلاف أن المحكمة بتحكم بحسب نص المادة{٤٥} من قانون الإثبات و تقول كده في حكمها :-
” حكمت المحكمة بصحة التوقيع على عقد البيع المؤرخ بتاريخ / / م ” .
👈 هي دعوى بتضمن صحة توقيع البائع على العقد و تمنعه من الطعن بالتزوير على توقعيه .
👈 هي دعوى بتثبت تاريخ العقد و بتخلي تسلسل الملكية مترتب ترتيب قانوني صحيح لحد ما يوصل ليك الملكية .
👈 هي دعوى بتضمن عدم التعرض لصحة البيع في مواجهة كلاً من ( البائع ، أو ورثة البائع ، أو الغير ) يعنى محدش يقدر ينازعك في صحة البيع .
👈 هي دعوى لا غنى عنها في التقديم على كل المرافق زى ( الكهرباء ، المياه ، الغاز ) عشان تتحصل على المرافق دي لازم يكون معاك حكم بصحة التوقيع .
مي محمد ✍️✍️✍️