الرؤيه …

كام معلومه بخصوص الرؤيه علشان الكل يبقى عارفها ..

1 – أحكام الرؤيه واجبة النفاذ بمجرد صدورها يعنى مش لازم تستنى الاستئناف زيها زى النفقه بالظبط

2 – مافيش حاجه اسمها جنحة الامتناع عن تنفيذ حكم رؤيه ولو حصل بتاخد براءه

3 – يحق للجد أو الجده فقط طلب الرؤيه حتى لو كان الأب موجود ومعاه حكم رؤيه يعنى العمات والخالات لا

4 – لو الأم بتيجى مره اه ومره لا أو بتيجى عدد ساعات قليله على محكوم بيها من حقك ترفع دعوى تعويض عن فرق ساعات الرؤيه

5 – لو الأم أو الحاضنه مش بتنفذ حكم الرؤيه يحق لك طلب التعويض وسقوط الحضانه وعلى فكره دى قضيه قدام محكمة ودى قضيه تانيه قدام محكمه تانيه خالص

6 – التعويض بيكون مادى ومعنوى وماتكبرش المبلغ اوى علشان رسوم القضيه ماتبقاش كبيره وكمان علشان لو خسرت القضيه مايجيش عليك مطالبه عاليه

7 – مافيش حاجه اسمها أن لو الأم ماجتش 3 مرات متتالية ارفع سقوط حضانه أو تعويض انت ممكن ترفع القضيه حتى ولو ماجتش مره واحده لأن القانون بيشترط تنفيذ الحكم إلا لو كان عند الأم مبرر أو عذر المحكمه تقبله يعنى مش أى كلام

8 – الرؤيه بتكون للى صادر له الحكم وإلى بينفذه بس

9 – مش شرط الآم أو الحاضنه تروح الرؤيه بنفسها المهم الحكم بيتنفذ إنما لو كان بيروح مع الصغير حد غريب والولد تعرض لاهمال أو خطر يحق للاب إقامة دعوى سقوط حضانه للاهمال وتعرض الصغير للخطر

10 – مافيش حاجه فى الدنيا اسمها كف حكم رؤيه .. الأب لو مش بينفذ الحكم بيترفع عليه قضيه تعويض عادى جدا زى الأم..
مي محمد ✍️✍️