فبيلاقوا في منطقة الأنف والفم لون أسود وده من جزيئات الكربون بتكون ناتجة من دخان الحريق وفي الحالة دي كانت الضحية كانت على قيد الحياة لما حصل الحريق وشم الدخان بسبب وجوده في مكان الحريق ف هيكون تركيز غاز أول أكسيد الكربون عالي.
وهيلاقوا كمان ترسبات كربونية سوداء في القصبة الهوائية لما يتم فحصها.
أما لو جزيئات الكربون “اللون الأسود” مش موجودة في منطقة الأنف والفم فده ممكن نستنتج منه إن الشخص مات وبعدين حصل الحريق، وبيتأكدوا اكتر بعد فحص الرئتين والقصبة الهوائية للتأكد من عدم وجود جزيئات كربون.
في حالات لما بيكون جسم الضحية متفحم من بره ممكن يشرحوا الرئتين ويشوفوا جزيئات الكربون لأن الأعضاء الداخلية بتاخد وقت أطول عشان تتفحم.
وفي حالات لما يكون جسم الضحية متفحم من بره وجوه يتم تصوير الجثة بالكامل بالأشعة لمحاولة اكتشاف أي كسور بالعظام عشان لو كان حصل جريمة قتل وتم محاولة إخفائها بمكان فيه حريق.
ولازم نعرف سبب الحريق، ونقطة بداية اشتعال الحريق ونوع المادة اللي سببت الحريق، لإنه ممكن يكون القاتل مثلاً استخدام مواد عشان يساعد في إشعال الحريق في بيت الضحية ودا بنستنج منه إنها جريمة حريق عمد.
وساعات بيكون في حالات الضحية مثلًا مش بيقدر يهرب من المكان اللي فيه الحريق ممكن لعدة أسباب زي:
ممكن يكون أصلاً مُتعاطي مخدرات أو كحول.
أوممكن يكون شخص عجوز أو عنده إعائقة تمنعه من الهروب.
أوممكن يكون الحريق حصل ومكنش فيه وقت كافي للهروب.
ممكن يكون مكان الهروب كان مسدود….
مي محمد ✍️✍️✍️