10 أسباب ليه تسافروا مونتينجرو ؟!!
1- بلد اوروبية بدون تأشيرة للمصريين، ولكن بشرط السفر من خلال شركات السياحة فقط لضمان العودة مرة اخرى
2- طيران اسبوعي مباشر من القاهرة الى مونتينيجرو خلال الصيف ومدته اقل من ٣ ساعات
3 – اسمها بالعربي الجبل الاسود، يعني مليانة جبال كتير جدا ولكن اغلبها خضراء – وكمان بحيرات وانهار وشلالات وجمال رباني غير طبيعي
4- الشواطئ بتاعتها من احلى شواطئ البلقان – كرواتيا جدا جدا في حلاوتها – المياة الفيروزية النقية،الشفافة ومن حواليك جبال في كل مكان – غير اماكن كتير شغال فيها مزيكا وحفلات طول الوقت – وببلاش تقدر تدخل اي شاطئ انت عايزه
5- البلد صغيرة نسبيا ولو مقيم في مدينة بودفا السياحية، تقدر تشوف كل جمال وحلاوة مونتينجرو في رحلات يومية قصيرة ( اوعى حد يقيم في العاصمة) – ومليانة فنادق حلوة قريبة من البحر بأسعار معقولة
6- الاكل سهل جدا هناك ومتنوع – متأثرين بالثقافة الايطالية جدا لانهم حكموا اجزاء كبيرة منها قديما – والباستا والبيتزا والجيلاتو منتشرين في كل مكان- غير المشويات والسيفوود مشهورين.
7- مناسبة جدا لعشاق المغامرات علشان فيها انشطة ادرنالين كتيرة زي ال Rafting – Paragliding- Ziplining- Quad Safary – Telefrique – Cave Swimming يعني ممكن تقضي اسبوع بدون لحظة ملل واحدة
وكمان مناسبة جدا كمان لكبار السن والعائلات علشان البحر والشواطئ بتاعتها حلوة جدا واغلب للرحلات والزيارات سهلة لاي حد يعملها بدون صعوبة
8- الجزء التاريخي فيها صغير مش كبير ولازم لازم لازم تزور مدينة Kotor القديمة علشان تحس انك سافرت ايطاليا بجد من كتر العمارة الايطالية في شوارعها وميادينها
9- النايت لايف هناك حكاية – بودفا مليانة اماكن سهرات ورقص على طول – يعني الي بيحب السهر تقريبا مش هينام طول الرحلة
10- الشوبينج هناك حلو في اوقات التخفيضات الموسمية في الصيف – العاصمة احلى واكبر مولات للتسوق. رغم ان البلد عملتها يورو، بس الاسعار معقولة لسه بالنسبة لينا.
مي محمد ✍️✍️✍️