واحده من اهم الاهداف الماسونية هي السيطرة علي العقول البشريه والسينما والاعلام من اهم الوسائل المهمه في السيطره علي العقول البشرية او توصيل رسائل معينه.
ومن هنا هنتكلم عن دور يوسف وهبي في تجسيد دور النبي محمد عليه الصلاه وافضل السلام في واحده من التجارب السينمائية ولكن خلفيتها اكيد ماسونيه .
• عام ١٩٢٦ يوسف بيك وهبي او او الفنان يوسف وهبي والمشهور عنه انه واحد من اعظم ممثلين المسرح في تاريخ مصروكان يوسف وهبي اعد في المسرح وكان عنده زياره مهمه جدا ممثل ومخرج مسرحي تركي اسمه وداد عرفي الممثل ده من اصول يهودية جاي بيعرض عرض مهم جدا علي يوسف وهبي هو تجسيد شخصيه النبي محمد عليه الصلاه والسلام في فيلم سينمائي انتاج واحده من المؤسسات الالمانية لدعم صناعه السينما وهيتم انتاج الفيلم ده بالكامل في فرنسا لكن قبل مانحكي تفاصيل الفيلم وتجسيد الشخصيات خلينا نعرف ايه هو دور يوسف وهبي في محافل الماسونية في مصر او في العالم العربي .
• علي مر التاريخ والعصور الحركه الماسونية موجودة في معظم الدول وليها نشاط واضح جدا وليها أهداف معروفه واهداف مخفية لكن بوجود المحافل الماسونية في بعض الدول العربيه ومنها مصر في فتره العشرينات او قبلها بشويه كان حاجه متعارف عليها وعادي جدا ومتواجدة عادي جدًا وكان في صحف وكان فيه منظمات خاصه تابعه للماسونية وبتصدر بيانات بشكل رسمي بتعبر عن افكار او معتقدات الماسونية واهدافهم المعلنة في المجتمع لكن تم غلق المؤسسات دي كلها في مصر لان كانت معظم التجمعات دي بتم بطريقه سريه فا كان ساعتها الملك خايف من تهديد إلامن الوطني لمصر بسبب الاجتماعات السرية الكتيرة المتعددة في المحافل الماسونية .
• يوسف وهبي فعليًا ومعاه مجموعه كبيره جدا من المشاهير والفنانين والسياسيين كانوا بينتموا وبشكل واضح للحركة الماسونية ويوسف وهبي كان بيشرف علي كتير من المحافل وكان الهدف الرئيسي ليوسف وهبي بجانب الفن ان هويجذب عدد كبير جدا من المشاهير والمعروفين للمحافل الماسونية أو الحركه الماسونية عشان المجتمع المصري في الوقت ده يتفاعل اكتر ويطمن اكتر لوجود المحافل الماسونية في مصر بشكل عادي .
• واحده من اهم اهداف الماسونية هي السيطرة علي عقول البشر وتغيير المفاهيم او السيطره علي المفاهيم علي عقول البشر نرجع لقصه الفنان يوسف وهبي مع تجسيد شخصية سيدنا محمد عليه الصلاه والسلام ،وداد عرفي الممثل والمنتج التركي اللي من اصول يهودية اللي جاله المسرح سنه ١٩٢٦ بلغ يوسف وهبي بالتالي ان فيه مؤسسه المانيه مخصصه في الانتاج السينمائي طلبت انها تنتج عمل سينمائي عن شخصيه سيدنا محمد صلي الله عليه وسلم وانهما اختارو يوسف وهبي عشان يجسد شخصيه سيدنا محمد امام العالم عشان يوسف وهبي من أكبر ممثلين المسرح في الوقت ده وان المؤسسه اخدت موافقة الحكومة التركيه لان الفيلم ده كان انتاج مشترك بين تركيا والمانيا وكان هيتم تصوير الفيلم بالكامل في فرنسا .
• الممثل التركي وداد عرفي بلغ يوسف وهبي ان الممثل مصطفي اتاتورك وافق علي انتاج الفيلم وان لجنه كبار العلماء في اسطنبول كمان وافقت علي انتاج الفيلم لتجسيد الفنان يوسف وهبي لشخصية سيدنا محمد في الفيلم ،يوسف وهبي فرح جدا بالعرض اللي اتعرض عليه وتم عمل مقابله بعدها بيومين في سفارة المانيا بالقاهرة وتم الاتفاق مع يوسف وهبي وحصل علي ١٠ الالاف جنيه كا دفعه مقدمًا لتجسيده لشخصية سيدنا محمد في الفيلم و١٠ الالاف جنيه سنه١٩٢٦ هو رقم كبير جدا جدا .
• الخبر اتسرب في الصحافة المصريه واتكتب الخبر بعنوان كارثه ان يوسف وهبي هيجسد شخصيه سيدنا محمد وان يوسف وهبي بيستعد لتجسيد الشخصية وانه بدأ يكلم بعض المشايخ اصدقائه عشان يجبوله كل الأحاديث وكل المعلومات عن سيدنا محمد عشان يحاول يقرب علي اد مايقدر لشخصية سيدنا محمد في الفيلم لأن الخبر ده نزل زي الكارثة بالظبط علي المجتمع المصري .
• بدأت كتير من اجهزة الدوله في الوقت ده تتحرك اولها كآن الأزهر الشريف اللي بعت رساله لوزاره الداخلية بتطلب فيه منع يوسف وهبي من السفر ومنعه من تجسيد الشخصية وان يوسف وهبي لازم يتم التحقيق معاه والملك فؤاد كمان بعت رسالة شديدة اللهجة ليوسف وهبي بيهدده فيها بسحب الجنسيه المصريه من يوسف بيك وهبي .
• وزاره الداخلية استدعت يوسف وهبي وبعد التحقيقات ارسلت وزارة الداخلية خطاب للأزهر الشريف بتأكدلها ان يوسف وهبي اعتذر عن العمل وانه هيطلع بيان للصحيفة الرسمية يوضح فيها وجهه نظره وان هو اعتذر عن تقديم الفيلم احترامًا للمجتمع واحترامًا للأزهر الشريف .
• يوسف وهبي بعدها بيوم أصدر فعلا البيان ووضح فيه ان الهدف الرئيسي من تجسيد شخصية سيدنا محمد هو الدفاع عن الدين الاسلامي وتصحيح المفاهيم الخاطئة في المجتمعات الغربية عن الدين الاسلامي لكن الأزهر الشريف ابلغ انه في غني تمامآ ان الفنان يوسف وهبي يدافع عن ألدين الاسلامي او يتصدر اصلا في المشهد وتم ابلاغ الحكومة الفرنسيه بشكل رسمي من الأزهر الشريف بضرورة وقف انتاج العمل ده تمامًا .
• صحيح يوسف وهبي اعتذر عن العمل لكن اكيد اهداف الفنان يوسف وهبي مكنتش بسيطة اوي كده واكيد اهداف المحافل الماسونية مكنتش بردو بالبساطة دي عشان تنتج عمل سينمائي عن الدين الاسلامي بالضخامة دي .
• يوسف وهبي وعلاقته بالماسونية متشعبة جدا ، يوسف وهبي في حياته اصلا عباره عن اسرار كتير ويقال ان يوسف وهبي كان رئيس المحفل الماسوني في مصر عشان كده اختياره لتجسيد شخصيه سيدنا محمد لفيلم سينمائي اكيد مجاش عن طريق الصدفة…
مي محمد ✍️✍️✍️