مصر ما بتنساش ولادها من فتره قرأت أخبار عن إطلاق أول وثيقة تأمين على المصريين بالخارج .. وبكده وضعت الدولة المصرية حل نهائي لمشكلة نقل الجثامين اللي عانى منها المصريين المغتربين ..
وعلشان تعرفوا أهمية هذه الوثيقة، لازم تعرفوا إن تكاليف نقل جثمان المصري المتوفي في الخارج لدفنه ببلده وجنب أهله قد تصل ل 200 ألف جنيه، ده بخلاف ما يعانيه أهل المتوفى من الأسى والحزن فى مصابهم حتى يوارى جثمان المتوفي الثرى.
فيه حاجات في الغربة صعبة جدا يمكن محسش بيها اللي متغربش عن بلده ولكن أصعبها إنك تموت متغرب وعلشان تدفن في بلدك تدفع مبالغ خيالية.. ولك أن تتخيل وفاة عامل بالكاد مرتبه يكفيه يصرف على نفسه وعلى أهله ومش معاه أي مبلغ محوشه أو حتى محوش وتروح تحويشة الغربة اللي أولى بيها أهله وأولاده في نقل جثمانه !
فعلا من كثر ما لاقينا وشوفنا كتير من الحالات دى في الغربة، أقدر أقولكم إن بعد إطلاق وثيقة التأمين الجديدة اللى هتغطي تكاليف نقل الجثمان كاملة فى حالة الوفاة لا قدر الله وإن أى مصرى متوفي يدفن في تراب بلده وسط أهله حتى لو هيدفع مبلغ بسيط لهذه الوثيقة شهريا، إن مصر مش ناسيه أولادها …
شكرا للسفيرة نبيلة مكرم وزيرة الدولة للهجرة وشئون المصريين في الخارج، وكل الجهات المعنية بهذا الأمر ..
مي محمد ✍️✍️✍️