هل يجوز الجمع بين المعاش والمرتب أو بين أكتر من معاش؟

هل يجوز الجمع بين المعاش والمرتب أو بين أكتر من معاش؟
الحقيقة أن قانون التأمينات الاجتماعية والمعاشات رقم 148 لسنة 2019 وضع ضوابط بتنظم الجمع بين المعاش والمرتب أو الدخل من العمل وبين أكتر من معاش بالنسبة للمستحقين فى حالة وفاة صاحب المعاش أو المؤمن عليه وهم: الأرملة والأخوة والأخوات والأبناء والوالدين، ونقدر نقول إجمالا إن فيه حوالى 6 قواعد بتنظم الأمر وهم كالتالى:
1- لو الشخص مستحق لأكتر من معاش فيقدر يجمع بينهم لكن فى حدود الحد الأدنى للمعاش، ويكمل المعاش إلى هذا المقدار.
2- يقدر الشخص يجمع بين الدخل والمعاش لكن فى حدود الحد الأدنى للمعاش.
3- الأرملة تقدر تجمع بين معاشها عن زوجها وبين معاشها بصفتها منتفعة بأحكام القانون، وتقدر تجمع بين معاشها عن زوجها وبين دخلها من العمل أو المهنة بدون أى حدود.
4- الأرمل يقدر يجمع بين معاشه عن زوجته وبين معاشه، ويقدر كمان يجمع بين معاشه عن زوجته وبين دخله من العمل أو المهنة بدون أى حدود.
5-الأولاد يقدروا يجمعوا بين المعاشين المستحقين عن والديهم بدون أى حدود.
6- أى شخص يقدر يجمع بين المعاشات المستحقة له عن شخص واحد بدون أى حدود.
مي محمد ✍️✍️✍️