👈👈 لو عربيتك اتسرقت في خطوتين مهمين لازم تعملهم بعد ما تعمل المحضر في القسم –
💥 1- انك تاخد رقم محضر السرقة إلى عملته وتطلع بيه على مباحث المرور تعمل حاجه اسمها إشارة نشر ودي معناها انك بتنشر على كل أجهزه الحاسب الالي في مصر وميزة ده ان لو العربيه وقفت في اي كمين وفحصو النمر هيتعرف ان العربيه دي مسروقه وان ال مبلغ بالسرقه هو فلان وعنوانه المكان الفلاني او لو العربيه حد لاقاها وراحت اي قسم علي مستوى مصر هيقدرو يوصلولك والمفروض ان ده اجراء تلقاني بيتعمل بعد المحضر بس محدش كتير بيعمله
٢- تروح النيابه و تاخد منها جواب للمرور ال عربيتك تابعه ليه بوقف التعامل علي العربيه بأي شكل وده ميزته ان لو انته ناسي الرخص جوا العربيه وقت السرقة ممكن. الحرامي يضرب توكيل ويبيع العربية لمشتري حسن النيه ساعتها انته بدخل نفسك في دوامه لانه ممكن يروح ينقل ملكيتها ومحدش يفحص التوكيل ال معاه ويطلع رخصه باسمه وساعتها دخلت في دوامه لكن لو موجود في ملف العربيه جواب بوقف التعامل عليها ساعتها أي حد يروح يعمل رخصه هيتمسك والعربيه هيتم التحفظ عليها ويقدرو يوصلوا لحضرتك برقم المحضر الى حضرتك سايب فيه رقم تليفونك …..
مي محمد ✍️✍️✍️