مخاطر الذكاء الاصطناعي

رجل أعمال صيني اسمه “آنّ جوو” حد من قرايبه كلمه فيديوكول وقعدوا يتكلموا مع بعض شوية،
فسأل “آن جوو” قريبه عن أحواله، فقاله أنا في ضائقة مالية صعبة جدًا ومش قادر أحلها، فقاله على سبيل الجدعنة والمحبة محتاج كام؟

قاله أنا محتاج 4.3 مليون يوان صيني يعني بالدولار حوالي 614 ألف دولار!
فشكره وقفل معاه المكالمة وأثناء عملية التحويل..
شك أنّ جوو أن في حاجة غلط في موضوع قريبة ده، فاتصل بيه بالتليفون وسأله عن ضائقته المالية، قاله ضائقة إيه أنا تمام وزي الفل.. قاله يا عم مش لسه مكلمني وقولتلي أنك عايز فلوس؟ أنا بحولك دلوقتي على الحساب اللي أنت ادتهوني، قاله لأ أنا مقولتش حاجة!
فادرك أنه اتعرض لعملية احتيال!

اتصل ” أن جوو” بالسلطات الصينية بسرعة ووقفوا عملية التحويل وقدروا يرجعوا لحد دلوقتي من الفلوس 485 ألف دولار!
بعد البحث اكتشفوا أن عملية الاحتيال دي جت بسبب تقنية اسمها الـ Deep Fake أو التزييف العميق، ودي تقنية بتاخد بصمة الوش وتركبها بطريقة هندسية الذكاء الاصطناعي بشكل لا يُمكن كشفه، كمان بتزيف الصوت لدرجة أن أنت مش هتقدر تعرف إذا كان الفيديو أو الصورة مُزيفة ولا لأ!

الأصعب من كده أنها كانت لايف ومباشرة يعني مش حتّى فيديو اتبعتلك ممكن تشك.. لأ أنت شايف وش وصوت قريبك بيتكلم قدامك وبيرد على كلامك، وشايفك!

إيلون ماسك ” المطور الأول للذكاء الاصطناعي في العالم” وصاحب أكبر الشركات العالمية للذكاء الاصطناعي قال إن ممكن مش بس يكون وسيلة للنصب والابتزاز، بل ممكن تكون شعلة بتعمل حـ.ـروب بين البلاد، وده اللي حصل بين أمريكا وبريطانيا من فترة عن فيديو مزيف لجو بايدن – رئيـ.ٕس أمريكا الحالي- وهو بينقد حاجات في بريطانيا، وبريطانيـ.ـا أصلًا وأمريكـ.ـا بينهم خلافات قديمة، تخيل بقا فيديو زي ده كان ممكن يعمل فتنة؟ لولا أنهم اثبتوا أن الفيديو مصنوع بتقنية الذكاء الأصطناعي بسبب إن عدد الرمشات الطبيعية لعين الإنسان اللي بتحصل كل 10 ثوان!

فلو تطورت التقنية دي أكتر ممكن تودينا لفين؟
عشان كده متثقش في كل حاجة بتشوفها على النت،
وسبحان من جعل الشهود الخاصة بالوقائع أهم من الأدلة نفسها!
فحتى لو راجل والله الصور والفيديوهات بتمثل خطـ.ـر عليك دلوقتي زي موضوع اليوتيوبر..ربنا يحفظ الجميع!
مي محمد ✍️✍️✍️