فى ناس كتير فاكرة ان اعلام الوراثه بيوزع التركه وبيقسم التركه على الورثه هنا وجب التنبيه .
اولا :-
إعلام الوراثه دوره انه بيحدد النصيب الشرعى لكل وريث على المشاع فى كامل تركة المتوفى•
يعنى ايه ؟
يعنى بيكون مكتوب فيه مثلا أن فلان(المتوفى) توفى وترك زوج وأبناء واب وأم وبيكون نصيب كل واحد مثلا الربع أو النصف أو للذكر مثل حظ الانثيين فى كامل تركة المتوفى .
ثانيا :-
إعلام الوراثه مش بيتكتب فيه أملاك المتوفى.
يعنى ماحدش يقولى أصله عنده عربية وعمارة وفيلا وعاوزين نعمل أعلام وراثه علشان نقسمها وكل واحد ياخد حقه مافيش الكلام ده ,الكلام ده له إجراءات تانيه خالص
ثالثا :-
لو الشخص الى توفى عنده أولاد قصر يبقى لازم نعمل قرار وصايه الأول.
يعنى نعين وصى على القاصر وبعدين نقدم قرار الوصايه فى أعلام الوراثه ولازم فى قرار الوصايه نثبت أملاك المتوفى كلها فى المجلس الحسبى.
لية بقى:-
علشان اى تصرف من الوصى فى أموال القاصر ولا له أى لازمه والتصرف بيكون زى عدمه ولازم علشان نتصرف فى اى اموال خاصه بالقاصر يتم بموافقه المجلس الحسبى.
س/ماهو سن القاصر؟
وماذا يتصرف ببلوغ سن الرشد؟
القاصر هو كل شخص أقل من ٢١ سنه سواء ولد أو بنت.
وبمجرد بلوغه سن الرشد بيقدم طلب للمجلس الحسبى لرفع الوصايه عليه والتصرف فى أملاكه
⚖️ في نهاية الأمر ⚖️
👈 كل دور أعلام الوراثه اثبات من هم ورثه المتوفى فقط والانصبة الخاصة بهم.
واياك ثم اياك تحجب اى وريث شرعى فى أعلام الوراثه هتعتبر مزور….
مي محمد ✍️✍️✍️