في خطوتين مهمهین لازم نعملهم بعد ما تعمل المحضر في القسم.
أولهم انك تاخد رقم محضر السرقة الـ عملته وتطلع بيه علي مباحث المرور تعمل حاجه إسمها – إشارة نشر – ودي معناها إنك بتنشر علي كل أجهزة الحاسب الالي في مصر إن عربيتك النمرهـ كذا مسروقة ودي ليها ميزة إن لو العربية وقفت في أي كمين وفحصه النمر بالجهاز الـ مع ظباط المرور هيتعرف إن العربية دي مسروقة وإن الـ مِبلغ بالسرقة هو فلان وعنوانه المكان الفلاني أو لو العربيه حد لاقاها وراحت أي قسم علي مستوي مصر هيقدره يوصلولك والمفروض إن ده إجراء تلقائي بيتعمل بعد المحضر بس محدش بيعمله.
تاني حاجه إنك تروح النيابة وتطلب من وكيل النيابة يديك جواب
للمرور اللي عربيتك تابعه ليه بوقف التعامل علي العربية بأي شكل وده ميزته إن لو أنت ناسي الرخص جوا العربية وقت السرقة ممكن الحرامي يضرب توكيل ويبيع العربية لمشتري حسن النيه ساعتها أنت بتدخل نفسك في دوامه لأنه ممكن يروح ينقل ملكيه ومحدش يفحص التوكيل اللي معاه ويطلع رخصه بإسمه وساعتها أنت دخلت في دوامه، لكن لو موجود في ملف العربية جواب بوقف التعامل عليها ساعتها أي حد يروح يعمل رخصة هيتمسك والعربية هيتم التحفظ عليها ويقدرو يوصلولك برقم المحضر…..
مي محمد ✍️✍️✍️