لكل عامل مصرى فى الخارج.. دى حقوقك لو اتعرضت لإصابة عمل وحصلك حاجة..
طبعا كل عامل يخضع لقانون العمل الخاص بالدولة الموجود فيها.. ولكن فيه أمور عامة لازم الكل يكون عارفها.. وهى إن أول خطوة دائما بتكون عمل محضر رسمي بالواقعة، وبعدين يبلغ الملحق العمالي المصري في البلد الموجود فيها، وكمان دلوقتي أغلب الدول أتاحت تسجيل الإصابة على الموقع الخاص بالتأمينات من خلال الإنترنت فى دولة العمل..
التأمينات هتقوم بدورها بمتابعة الحالة من خلال تقرير طبي، ولازم طبعا يكون مسجل على الموقع صورة من جواز السفر والرقم التأميني للعامل المصاب، لتتم مرحلة العلاج سواء على حساب المؤسسة اللي بيعمل فيها أو على حساب التأمينات..
وإذا تسببت إصابة العامل في عجز – لا قدر الله – تقوم لجنة مختصة بتحديد هذه النسبة وبناء عليه يتم تحديد التعويض المناسب..
وكل ده طبعا بيتم من خلال متابعة أولا بأول مع الملحق العمالي في كل دولة موجود فيها عمالة مصرية..
حفظ الله الجميع.
مي محمد ✍️✍️✍️