عمرك تخيلت نفسك قبل كده لا قدر الله من غير دماغ…
فكر شوية كده هو لازم يكون فى دماغ يعنى فعلا؟
= ايوا لازم يكون فى دماغ سؤالك غير منطقى لان احنا اخدنا واتعلمنا ان الدماغ ده وجوده حتمى عشان حياتنا تستمر وان لو حصل تلف فى اى جزء منه الشخص هيموت او هيعيش بس بأى إعاقة بدنية.!
– طيب خلينى اصححلك معلوماتك ي باشا واقولك ان فى حالات ملفتة للنظر اتوجدت ف التاريخ الدماغ فيها كان معدوم خالص او مقتصر على فص صغير خالص من كتلته العصبية !!
الحالة النادرة دى ليها مسميين الحالة الاولى اسمها:
(الانينسفالوس) ودى الانسان بيتولد بيها من غير دماغ اصلا بس غالبا مش بيعيش
الحالة التانية اسمها: (الهيدروسيفالوس) ودى السائل النخاعى فيها بيتراكم على الدماغ وبيضغط عليه وبيسبب ضموره،
يعنى معنى كده ان الانسان بيفقد جزء كبير من الكتله البيولوجيه للدماغ وفي الحاله دي الجمجمه بتكون شبه فارغه تماما ما عدا طبقه نسيجيه ملتصقه بجدار الجمجمه الداخليه !
والاشخاص اللي عندهم الحاله دي في حالات كثير ممكن يفضلوا على قيد الحياه ويمارسوا حياتهم بشكل طبيعي جدا !
والعلماء اثبتوا بان كل الانشطه العقليه المختلفه زي الذاكره والتفكير والذكاء والحركه ملهاش اي علاقه بالدماغ !
زمان اصلا كانوا القدماء المصريين بيأمنوا بان القلب هو مركز التفكير والضمير فكانوا بيشيلوا الدماغ من المومياء ويرموه ويسيبوا القلب لان في اعتقادهم من غيره الميت مش هيعدي للعالم الاخر.
وفي قصه مشهوره كانت حصلت في جامعه شيفيلد ببريطانيا سنه 1979 بتتكلم عن طالب جماعي كان عنده 26 سنه كان طالب ذكي جدا وكان واخد جائزه شرف في ماده الرياضيات، ف فى يوم جاله دور برد ف راح يكشف عادي جدا ف الدكتور لاحظ عليه ان هو طبيعي بس حجم راسه كبير جدا اكبر من المعدل الطبيعي
بعدين اكتشف حاجه مدهشة جدا وهي ان الطالب ده واللي نسبه ذكاءه بتزيد عن 126 IQ واللي معندوش اي علامه تدل على انه عنده اختلال عقلي بعد م فحصه بان راسه مش موجود فيها دماغ !!
وبدل من الدماغ كانت راسه مليانه سوائل ما عدا كتله نخاعيه صغيره سمكها حوالي مليمترات بدل سنتميترات زى ف الحالة الطبيعية
والعلم اثبت وجود حالات مشابهه لحالات الطالب ده بتغيب فيها الكتله الدماغيه عن الراس تماما بس اللى آثار الاهتمام في حاله الطالب ده هو تفوقه وذكائه المبهر برغم ان الكتله الدماغيه في راسه ما تجاوزتش 100جرام بالمقارنه بوزن الدماغ الطبيعي اللي هو المفروض 1,500 جرام !
وده يخليني ارجع واسالك نفس السؤال من تانى واللى هو هل ياترى فى ضرورة لوجود الدماغ ؟!
مي محمد ✍️✍️✍️