علماء قتلتهم اختراعاتهم …..
مخترع مركبة السكك الحديدية عالية السرعة (فاليريان أباكوفسكى) …
في مطلع القرن العشرين كان اباكوفسكى بيشتغل سواق عند منظمة cheka (المنظمة دى بتعتبر الشكل السابق للشرطة السرية السوفييتية )
وفي اثناء شغله اعتقد ان هو ممكن يعرض افكاره على بعض الشخصيات المرموقه بين القياديين السوفييت و اللى بدورهم قدموا ليه الدعم عشان ينفذ فكره غريبه جدا وهي عربه مروحيه يعني عربه قطار بتسيير على السكك الحديديه بس بدل ما يستخدموا المحرك اللي بيشغل العجلات وبيعتمد على الاحتكاك استخدم مروحه دفع بسرعه عاليه جدا عشان تدفع العربات بسرعه اكبر من القطارات في وقتها،، وفكرته دي لقت استحسان كبير جدا في وقتها وبدا يشتغل عليها بشكل جدي وفعلا صنع نموذج ليها في سنه 1921
وفي اول رحله للاختراع ده كان هو عليها وكانت الرحله متوجهه من موسكو لتولا ودي مدينه صناعيه صغيره في جنوب موسكو بحوالي 200 كيلو متر كده والمشوار ده اتخطط له من غير اي مشاكل بس وهما في الطريق العربه خرجت عن مسارها بسرعه عاليه جدا واتحطمت عشان تقتل كل اللي عليها.
المشرع الصيني (لي سي) …
شخصيه لي سي ده قديمه جدا وبترجع للقرن ال3 قبل الميلاد في عهد سلاله كين اللي وحدت الصين اول مره وهناك دخل في الحكومه الصينيه واترقى فى منصبه عشان يوصل لمكانه مقربه جدا من الامبراطور الصينى واثر في قراراته وخلاه يغير حاجات كثيرة جدا
وكان ليه انجازات ايجابيه كثيره زي مثلا انه وحد وزن العملات المعدنيه وشارك في تخطيط وتنظيم بناء من اجزاء سور الصين العظيم ووحد انظمه الكتابه في الصين بس مع كل ده كمان كان ليه جوانب سيئه وكان ظالم جدا،،
ف حرق الكتب والمخطوطات التاريخيه وكان سبب رئيسي كبير اللي خلى الصين النهارده تفقد جزء كبير من الثقافه والمعرفه الصينيه القديمه،، وكمان ابتكر اسلوب قتل وحشى جدا اسمه “الالام الخمسه”
الاسلوب ده بيبدا بانه بيقطع انف الضحيه وايد واحده وقدم واحده وبعدها بيتم اخصاؤه وبعدين يقطعوه بالنص من عند بطنه كده وللاسف نفذ الطريقه الشنيعه دي على ضحايا كثير جدا بس بعدين اتورط في مؤامرات بعد موت الامبراطور الصيني ولما جه امبراطور جديد تاني مكانه اتهمه بالخيانه وامر بقتله بنفس اسلوب القتل الشنيع اللي هو ابتكره.
مخترع الطلاء المشع بالراديوم (سابين فونسوشوكي)…
الراجل ده كان اول من اخترع طلاء مضيء باستخدام الراديوم المشع وكان عنده شركه انتاج خاصه بيه بس العمال اللي فيها كانوا بداوا يتعبوا من اعراض التلوث الخطير للاشعاعات وده السبب اللي خلى الشركه تغرق في الدعوات القضائيه بسبب ان العمال كتير تعبوا وماتوا وهو نفسه مسلمش من الاشاعات دي ومات بسببها
فكرة الصواريخ والوقود سريع الاحتراق (ماكس فاليي) …
مع بدايه القرن العشرين كانت فكره الصواريخ والوقود بدائيه جدا وفي العشرينات والثلاثنات لما كان المجال ده لسه في بدايته اشتهر المخترع النمساوي فالي بشغله وتجاربه على الصواريخ وكان واحد من اوائل المهندسين الصواريخ واشهرهم
وكانت بتتضمن بعض عروضه صواريخ على زلاجات او حتى سيارات بمحركات صاروخيه بتمشي بسرعه كبيره جدا بس احلامه كانت اكبر من كده لانه كان عايز يحقق تقدم كافي في الصواريخ بحيث تسمح ليه بالطيران لارتفاعات كبيره جدا وتوصلخ للفضاء والنجوم.
وبين سنه 1928 و 1929 اشتغل على عدد من السيارات والطائرات اللي بتشتغل بالصواريخ وركز في اواخر العشرينات على تطوير محركات صاروخيه بتشتغل بالوقود السائل فاخترع (فاليي-هيلاندت راك 7)،
وهي سياره صاروخيه بتستخدم نظام الدفع اللي بيشتغل بالوقود السائل وبحلول سنه 1930 كان بدا يختبر صاروخ جديد من نوع جديد من الوقود اللي هو مكون من الكيروسين والماء والاكسجين المسال وكان زيه زي المخترعين في عصره ما بيهتمش لموضوع الامان ده ونجا فى تجربته الاولى و الثانيه كمان بس هو كان طماع وكان عايز يحسم الجدل وياكد ان ابتكاره الجديد بيشتغل كويس بس لسوء حظه التجربه فشلت بانفجار الصاروخ قبل انطلاقه في 17 ايار سنه 1930 والشظايا اتطايرت واصابت وحده شريانه الرئوي وقتلته في ثواني في الـ35 من عمره.
مخترع السيارة البخارية (فرانسيس ستانلي)…
استانلي اتولد سنه 1849 واشتغل مدرس ورسام وابتكر طريقه يخلي بيها الدهانات والالوان على شكل حبيبات صغيره بهدف رسم صور واقعيه اكثر وتقنيه دى تطورت بعدين واتحولت للدهان بالرذاذ اللي بيستخدموه النهارده في دهان السيارات
وفي سنه 1897 ستانلي ابتكر سياره خاصه به بتشتغل بمحرك بخاري بدل من محرك ديزل او بنزين زي ما المخترعين الثانيين في عصره كانوا بيعملوا ومع ان استخدام المحركات البخاريه دي انقرض بس عربيه ستانلي كانت حققت نجاح كبير وسمعه ممتازه جدا لانها حطمت الارقام القياسيه للعربات بوصلها لسرعه 43 كم في الساعه
بس مع الوقت اتغيرت الامور وبقت العربيات دي مش مناسبه بس هو فضل يستخدمها لغايه لما تعرض لحادث بيها سنه 1918 ومات قبل ما يوصل للمستشفى….
مي محمد ✍️✍️✍️