عقد_الاتفاق … وكيفية توثيقه بمحكمة الاسره .. ؟؟
وكيفية تنفيذه .. ؟؟ وماذا أن أخل أحد أطراف العقد بأى بند من بنوده .. ؟؟
اولا .. الأصل أن يتم الاتفاق على النفقه او الرؤيه او الاجور او او او .. بالتراضى قبل اللجوء إلى المحكمه ويكون الاتفاق حجه بين أطرافه وتطبق عليه قاعده المفروض اتفاقا كالمفروض قضاء .. يعنى ايه .. ؟؟
• يعنى المفروض أن الزوج والزوجه بيتفقو على كل إلى ليهم وإلى عليهم من غير قضايا ولا محاكم ويتم تفريغ هذا الاتفاق فى شكل عقد يسمى عقد اتفاق وصلح ويتم الاتفاق على كل شىء بدون قيد أو شرط طالما الاتفاق لا يخالف القانون
ثانيا .. الاتفاق ده بيتوثق بطريقتين …
١ – أن الزوج والزوجه بيروحو محكمه الاسره بمكتب فض المنازعات ويطلبو توثيق العقد والحصول على صيغه تنفيذيه عليه
٢ – أن الزوج والزوجه يعملو عقد اتفاق بينهم ويمضو عليه واى طرف فيهم ممكن يرفع قضيه فى محكمه الاسره اسمها دعوى إلزام بما فرضه على نفسه بموجب عقد الاتفاق
•• طيب امتى نلجىء للطريق الأول وامتى نلجىء للطريق التانى .. ؟؟ مكتب التسويه بيدى صيغه تنفيذيه على عقد الاتفاق وده فايدته أن لو الزوج مثلا شغال فى شركه يبقى حضرتك مش محتاجه حكم محكمه علشان تاخدى النفقه من الشركه كفايه تعلنى الشركه بالعقد والشركه تصرف المبلغ المتفق عليه فى العقد .. طيب ولو شغال أعمال حره .. ؟؟ يبقى فى الحاله دى لازم ترفع دعوى إلزام علشان تقدر تنفذ بنود العقد زى الرؤيه مثلا أو النفقه لأن دعوى الحبس او الحجز لازم حكم محكمه بكده
☆ كل ده كويس طيب ايه الجديد إلى فى المنشور .. ؟؟ اقولك بقى ايه الجديد فى المنشور .. ؟؟ الجديد أن حضرتك لو ماضى على عقد اتفاق بمبلغ معين كبير او اقل والكلام ده للطرفين راجل أو ست من حق كل طرف انه يرفع دعوى زياده او تخفيض حتى لو تم الاتفاق فى العقد على عدم الزياده أو زياده سنويه بسيطه .. ؟؟ ازاى الكلام ده معقول .. ؟؟ اه معقول جدا لا وكمان لو المبلغ إلى حضرتك كنت ماضى عليه وقت الاتفاق أكبر من استطاعتك أو أقل من المفروض يتفق عليه من حقك ماتنفذ العقد وتطلب تخفيض المبلغ أو زيادته … يعنى بمعنى أصح مش معنى ان تم الاتفاق على شىء أصبح ثابت مدى الحياه
مي محمد ✍️✍️✍️