طريقة الحصول على بطاقة الخدمات المتكاملة لذوى الاحتياجات الخاصة؟
10% من المصريين هم من ذوي الاحتياجات الخاصة، يعني حوالي 10 مليون شخص، وعشان كده من أهم الحاجات اللى تم استحداثها هي بطاقة الخدمات المتكاملة لذوي الإعاقة، واللى الجهات الحكومية وغير الحكومية بتكون ملزمة بمساعدة حاملها ومنحه كافة المزايا والخدمات اللى أقرها القانون..
طبعا من مميزاتها الإعفاء من الضرائب والرسوم الجمركية على السيارات، والإعفاء على العديد من أنواع الضرائب، والحصول على سكن حكومي مناسب، والحصول على الإعفاء الجمركي على الأجهزة التعويضية، كمان بيحق لحامليها الكشف المجاني في المستشفيات.
بطاقة مهمة زي دي هتعملها إزاي؟
ببساطة هتدخل موقع بطاقة الخدمات المتكاملة اللى بتوفره وزارة التضامن الاجتماعي على الإنترنت، وهتسجل طلبك من خلال بوابة بطاقة الخدمات المتكاملة ولازم تتأكد من تسجيل البيانات بدقة.
هيطلب منك الموقع تملأ استمارة البيانات الأساسية للحصول على بطاقة الخدمات المتكاملة وهي عبارة عن مجموعة أسئلة خاصة بكارت الخدمات المتكاملة، و بعد التسجيل هيظهر لك رقم الطلب الخاص بيك، وده رقم مهم جدا تحتفظ بيه وما يضيعش منك.
بعد فترة ادخل استعلم عن طلب بطاقة الخدمات المتكاملة من على الموقع من خلال الرقم اللى احتفظت بيه، ولما تلاقي الطلب اتقبل احجز ميعاد من خلال أيقونة الحجز في البوابة، وتروح مكتب التأهيل اللى اخترته علشان تكشف فيه، وتاخد معاك كل الورق والمرفقات علشان يتم تسجيل بيانات التقييم الوظائفي الخاص بك.
طبقًا للخطوات والبيانات التي تم استيفائها، هيتم تحديد درجة ونوع الإعاقة وإذا كنت تستحق الحصول على بطاقة الخدمات المتكاملة للأشخاص ذوى الإعاقة ولا لأ.. وفى خلال أسبوع أو اتنين بالكتير هتروح تستلم البطاقة الخاصة بك وتستفيد بإعفاءاتها..
مي محمد ✍️✍️✍️
10% من المصريين هم من ذوي الاحتياجات الخاصة، يعني حوالي 10 مليون شخص، وعشان كده من أهم الحاجات اللى تم استحداثها هي بطاقة الخدمات المتكاملة لذوي الإعاقة، واللى الجهات الحكومية وغير الحكومية بتكون ملزمة بمساعدة حاملها ومنحه كافة المزايا والخدمات اللى أقرها القانون..
طبعا من مميزاتها الإعفاء من الضرائب والرسوم الجمركية على السيارات، والإعفاء على العديد من أنواع الضرائب، والحصول على سكن حكومي مناسب، والحصول على الإعفاء الجمركي على الأجهزة التعويضية، كمان بيحق لحامليها الكشف المجاني في المستشفيات.
بطاقة مهمة زي دي هتعملها إزاي؟
ببساطة هتدخل موقع بطاقة الخدمات المتكاملة اللى بتوفره وزارة التضامن الاجتماعي على الإنترنت، وهتسجل طلبك من خلال بوابة بطاقة الخدمات المتكاملة ولازم تتأكد من تسجيل البيانات بدقة.
هيطلب منك الموقع تملأ استمارة البيانات الأساسية للحصول على بطاقة الخدمات المتكاملة وهي عبارة عن مجموعة أسئلة خاصة بكارت الخدمات المتكاملة، و بعد التسجيل هيظهر لك رقم الطلب الخاص بيك، وده رقم مهم جدا تحتفظ بيه وما يضيعش منك.
بعد فترة ادخل استعلم عن طلب بطاقة الخدمات المتكاملة من على الموقع من خلال الرقم اللى احتفظت بيه، ولما تلاقي الطلب اتقبل احجز ميعاد من خلال أيقونة الحجز في البوابة، وتروح مكتب التأهيل اللى اخترته علشان تكشف فيه، وتاخد معاك كل الورق والمرفقات علشان يتم تسجيل بيانات التقييم الوظائفي الخاص بك.
طبقًا للخطوات والبيانات التي تم استيفائها، هيتم تحديد درجة ونوع الإعاقة وإذا كنت تستحق الحصول على بطاقة الخدمات المتكاملة للأشخاص ذوى الإعاقة ولا لأ.. وفى خلال أسبوع أو اتنين بالكتير هتروح تستلم البطاقة الخاصة بك وتستفيد بإعفاءاتها..
مي محمد ✍️✍️✍️