بنزيمه يكسب مصر الجديده
من كام يوم شركه سعوديه عرضت تشتري ٧٠ % من شركه مصر الجديده للاسكان والتعمير ب ٤٠٠ مليون دولار
شركه مصر الجديده للاسكان و التعمير هي اكبر شركه في مصر تملك مخزون من الاراضي يقدر ب٣٠ مليون متر
لحد هنا تمام جدا
في نفس اليوم كريم بنزيمه لاعب كرة القدم وقع للانضمام لفريق الاتحاد السعودي لمدة موسمين ب٤٠٠ مليون دولار
يعني كريم بنزيمه اللي شطب كورة خلاص و عمره ٣٤ سنه ، ثمنه يساوي شركه مصر الجديده للاسكان والتعمير ، او ممكن تقول ان بنزيمه يساوي ٣٠ مليون متر من الاراضي المصريه ، طبعا ده غير المباني و المريلاند و الادارة و الكوادر و العمال و المهندسين
طيب نحسبها حسبه تانيه
لو كريم بنزيمه سجل ٣٠ جون في الموسمين ، حلو كده ، كده تكلفه الجون تساوي مليون متر من ارض شركه مصر الجديده ( عشان الشركه عندها ٣٠ مليون متر اراضي )
نخرج من القصه دي بالدرس ده
ان بنزيمه كسب مصر الجديده
و ان عندما يقع الانسان في مستنقع افكاره فينتهي به الامر الي المهزله
مي محمد ✍️✍️✍️