سمعت عن الرجل اللي قابل الشيطان وجهًا لوجه؟!
النهارده هنقلك حديث أشهر رجل عرف خبايا وأسرار عبدة الشيطان.
روجر مورنو عضو كنيسة اليوم السابع السبتية.
اتولد روجر لأسرة كاثوليكية سنة ١٩٢٥،وكان في أسرته عدة أفراد منتمين للكهنوت، يعني عنده اتنين من عماته راهبات، وعمه كان قِس..
روجر في شبابه خاض مغامرة كبيرة على حد زعمه واعترافاته، لما تورط في جماعة روحانية سرية.. والبداية لما واحد صاحبه اتعرف عليه قاله أنه منضم لجماعه بيقدروا يكلموا الموتى وليهم تواصل مع الأرواح.
روجر انبهر جداً والفضول حاوطه وخاصة لما صديقه ده قاله: مش عايز تكلم روح والدتك المتوفيه؟!
روجر اتصدم وفكر هل يقدر يتواصل مع أمه مرة تانية؟ أكيد مش هيخاف أنه يعمل ده وخاصة دي أمه مش حد هيأذيه يعني!
روجر مورنو مكنش يعرف إن دي أول خطوة في طريق تورطه لعبادة الشيطان لما كان شاب في مدينة مونتريال..
وأنه هيختبر بنفسه وجود قوى الشر والظلام اللي بشر كتير بيشككوا فيها..
روجر مورنو عمل مقابله شهيرة مع عدد من الباحثين وألف كتاب شهير اسمه عالم ما وراء الطبيعة بيحكي فيه تجربته الحقيقية مع الشيطان وأعوانه وأسراره..
روجر قال: لما تخرج من البحرية كان بيبحث عن عمل تجاري في مونتريال كندا، في الوقت ده التقى بزميله اللي كان معاه على سفينة خاصة..
قاله مورنو أنت لسه عايش؟ أنا سعيد أني شوفتك ايه رأيك نتعشى سوى النهارده! مورنو قبل دعوة صديقه وراح موعد العشاء اللي كان مش أي موعد ده كان دعوة من إبليس نفسه مع واحد من أتباعه.
مورنو قال صحبي ده أول ما قعدنا واتعشينا قال له: بقولك ايه أنا عندي ليك خبر رائع، أنا أنتسبت لجماعة روحانية بيكلموا الموتى.! ايه رأيك تيجي معايا تكلم والدتك المتوفيه؟! روجر اتصدم وكان واضح عليه الخوف أنه يروح الجلسة دي واللي افتكرها مجرد جلسة تحضير أرواح!
مش واقع مظلم موجود بالفعل.
روجر بيقول أنه اليوم ده كان مساء أحد أيام السبت في مكان لأول مرة بيشوفه، المكان فخم جداً في مونتريال والوسيطة الروحانية اللي بتحضر على جسدها الأرواح كانت امرأة جميلة تسكن في نفس المكان اللي حضر فيه حوالي ٢٠فرد على الأقل اللي أصروا يعرفوا هم كمان الأرواح هتقول ايه!
الوسيطة كانت بتحكي لكل واحد منهم بلسان الميت اللي يخصه، وكل شخص منهم عايز يعرف حاجه معينه من قريبه المتوفي ده..
وكان التواصل بيحصل عن طريق الوسيطة
أحد الحضور قال لأ أنا عايز أشوف الروح دي، الوسيطة قالت استحالة لكن تقدر تسمعه بصوته الحقيقي! روجر اتصدم تاني لما فعلا بدأت الوسيطة تتكلم بلسان المتوفي قريب الشخص ده. وبكده قدروا يقنعوا روجر أنهم يقدروا فعلا يتكلموا مع الموتى بكل سهولة. لما فجأة شعر روجر بريح قوية جدا حاوطت المكان وعبرت على حد وصفه من الحائط، وسط حالة من الذهول لما وجد مخلوق نصف شفاف بيتسلل من الحائط، روجر حس أنه قلبه توقف لمدة ثواني من الخوف ورهبة الموقف اللي عايشه لأول مرة في حياته، شعور مريب وخارق لما شاف امرأة في ثوب سهرة جميل بطول طابق كامل وده كان أول مرة في الجماعة دي وبداية طريق الشيطان.. روجر قال إن دي بس كانت البداية وعشان تخرج من الجماعة دي مش هتكون حي أبداً!
روجر بيقول: إن داخل جماعة عبادة الشيطان كان فيه يوم مهم جداً عندهم وهو يوم الهالويين أو ٣١أكتوبر اللي لازم يتقدم فيه تضحيات حيوانية حية، ومكنش يعرف وقتها أنها مش تضحيات بالحيـ وانات ولكن بالبشر..
روجر قال أنه عرف عن طريقهم خطة إبليس. وإن الجلسة اللي حضرها دي وهو لسه شاب عنده ٢٠سنة مكنتش غير جلسة استحضار شياطين تجيد التشبه بصورة وصوت الموتى.
طبعا ده اسمه استحضار القُرناء ولكن لأن في ثقافة روجر ميعرفش اسم القرين بالفعل.
روجر بيقول أنهم في أحد الجلسات حضر شيطان متشبه في روح نابليون بونابرت
وأنه جوه المكان ده فيه شخص اسمه الكاهن الأكبر هو اللي مسيطر على كل شيء في الجماعة دي وإن الشياطين تتسابق في السيطرة على البشر وتقديم كافة الوعود بالحياة المرفهة والثروة.
وإن الكاهن الأكبر ده قاله سر خطير أنه بعد ما الأرض هتتعرض لعدد من الكوارث هتظهر الجن والشياطين على صورة مخلوقات فضائية ويوهموا البشر أنه العالم على وشك النهاية إذا لم تتم تنفيذ وصايا الكائنات دي اللي هتنشر رسالتها بأنهم جايين يساعدوا كوكب الأرض
روجر بيعترف أنه كان من ضمن فريق الجماعة دي وعرف تعاليمهم وبعض أسرارهم اللي أخبره بها الكاهن الأكبر رئيس الجماعة.
من أخطر اعترافات روجر لما قال أنه ابليس حضر الاجتماع مرة وتجسد في صورة رجل ثري في ملابس فاخرة، وقال أنه قام بنفسه بتدريس داروين وساعده في وضع مباديء نظرية التطور تحت اشرافه هو ومستشاريه الروحانيين..
طبعاً كلام صادم وفيه اللي هيرفضه ويكذبه لكن دي اعترافات بالفعل وتم تسجيلها على لسان روجر في لقاء مدته ٨٠دقيقة، ده غير سلسلة الكتب اللي ألفها وقال فيها كل المعلومات دي
واعترف إن كل شخص بينشر تعاليم الشيطان هو في عالم الأرواح شخص ذو قيمة عظيمة ورتبة داخل هذا العالم اللي تحكمه قوانين صارمة وليس مجرد خيال أو مجموعة من القصص وأفلام الرعب والخيال العلمي، وإن الأشخاص دول بيتمتعوا بمعاملة خاصة من الشيطان نفسه اللي بيمده بعدد من الأدوات اللي بتمكنه من أنه يكون شخص شديد الاقناع للغير، سهل له السيطرة على العقول، في حين تزداد حالة العمى الروحي عنده بأنه لا يرى النور والحقيقة
روجر لم يفعل شيء غير أنه فضح المحفـ ل الماسـ وني نفسه، وإن اللي كان بيكذب ويقول ده وهم للأسف ليته كان كذلك..
روجر أكد في حديثه إن الأطباق الطائرة لم تكن إلا صناعة أمريكا والشياطين، للتمهيد لظهورهم والسيطرة على الأرض اللي هم شايفين أنها ملك لهم حتى هبط آدم وأخذ الحق ده منهم، وإن الشيطان هو الحاكم الفعلي للأرض
لو عايز تستمع للتصريحات كلها تقدر تسمعها يوتيوب تحت عنوان مقابلة روجر مورنو.
مي محمد ✍️✍️✍️