سر “ماء العين” فى كشف الجرائم
ازاى الطبيب الشرعى يقدر يفرق بين حالة الوفاة الطبيعية واللى فيها شبهة جنائية؟ ..
الموضوع ببساطة إن النيابة العامة بتستدعى الطب الشرعى حال شكها فى أى حالة وفاة تمت بشكل غير طبيعى .. وبالتالى فى ضوء التحقيقات محتاجة تعرف السبب الحقيقى للوفاة خاصة لو توفر شبهات جنائية من خلال التحقيقات الأولية.
المعيار الأهم للطب الشرعى عشان يقدر يلبى رغبة النيابة فى الحصول على حقيقة الشُبهة الجنائية بيكون فى إنه ياخد عينات من سوائل الجسم علشان يفحصها في مُختبراته، وتحديدًا “ماء العين” ودى تعتبر الخطوة الأهم والفاصلة فى تحديد دخول أى مادة غريبة للجسم لأنها بتقدر تحتفظ ببقايا المواد الكيميائية لفترة أطول عن باقي سوائل الجسم.
وكمان “ماء العين” بتكون غير مختلطة بالدم أو بأى سوائل أخرى وبالتالى بعد تحليلها يقدر الطب الشرعى يحدد تعرض الجسم لأى مواد غريبة أيا كان نوعها ومن هنا يحدد الوفاة اللى تمت طبيعية ولا غير طبيعية وبالتالى النيابة تكمل تحقيقاتها فى ضوء هذه النتيجة.
مي محمد ✍️✍️✍️