رأي المفتي في الحكم بالإعدام….

بمناسبة إحالة أوراق قضية قاتل نيرة لفضيلة المفتي حابب أقولك إن رأي المفتي بيكون استشاري فقط في الحكم بالإعدام. ….

يعني لو فرضنا إن المفتي اعترض على الحكم بالإعدام فالمحكمة مش ملزمه إنها تأخذ برأيه لأن الكلمة الأولى والأخيرة للمحكمة ودا كان حصل في قضية مقتل بطرس غالي رئيس وزراء مصر عام 1910.

واللي المتهم فيها ابراهيم الورداني ودا كان صيدلي وعضو في الحزب الوطني والمفتي وقتها اعترض على حكم الإعدام لكن المحكمة حكمت بالإعدام ولم تلتفت لرأيه.

البعض ممكن يقول طالما رأي المفتي غير ملزم ليه المحكمة بتأخذ رأيه؟

هقولك إن القانون ألزم المحكمة قبل توقيع الحكم بالإعدام إنها تأخذ رأي المفتي ولو حصل إن المحكمة خالفت دا فالحكم هنا هيكون باطل.

الحاجة التانية إن لو المفتي اعترض على حكم الإعدام فالمحكمة هتنظر وجه الإعتراض  -وهي غير ملزمة برأيه- ودا ممكن يكون سبب في تخفيف الحكم للمؤبد.

فالمفتي حتى وإن كان رأيه غير ملزم لكن بيشوف بقا هل الأوراق اللي أمامه المدان فيها يستحق الإعدام ولا لأ وفقا للشريعة الإسلامية….

مي محمد ✍️✍️✍️