اللي قدامك دي هي أغرب مدينة في العالم،
مدينة “دي لاس بودوغاس” مبنية تحت صخرة ضخمة في اسبانيا، واللي بناها بالشكل الجميل ده كان المسلمين قبل سقوط الاندلس،
الصخرة موجودة من 2000 سنة بالتحديد من وقت وجود الرومان في اسبانيا، كانت مجرد كهف ضخم الناس بتستخدمه كظل أو للاستجمام أو انها تعيش في الهواء الطلق..
في وقت وجود العرب في الاندلس بنوا المدينة دي بدون ازالة الصخرة الضخمة، وبدلًا من كده استخدموا الصخرة دي كـ أسقف للبيوت اللي بنوها، ولسبب ده في الحر كانت الصخرة دي سبب في عدم الشعور بالحرارة لأهل المدينة، والجو فيها مش بيحتاج لتكييفات أو مبردات لأنها بتمنع الحرارة أنها تدخل البيوت، وفي الشتاء كانت بتكون مصدر للدفء.. يعني طقس المدينة دي شبه معتدل طول السنة!
واتسمت “دي لاس بودوغاس” وهو اسم مشتق من اللغة اللاتينية “Septem nihil”، واللي معناه “سبع مرات من الحصار دون أي نتيجة” وكان المقصود بيه حصار الغرب للعرب داخل المدينة وفشلوا 7 مرات قدام العرب بسبب الصخرة دي..
مدينة جميلة جدًا، واتبنت بعبقرية، فبدل ما نزيل جزء من الطبيعة خلوا الطبيعة تحتضن البشر وكمان تفيد سكانها!
وتكون كحصون طبيعية لأهلها كمان، زي ما استخدمها العرب وقتها!
وبالرغم من أن بعض الأشخاص اعتبروا انهم يعيشوا تحت صخرة تحدي، إلا إن في أكتر من 3000 شخص عايش في المدينة دي لاس بودوغاس بشكل طبيعي، وكمان هي مزار للسياح من كل أنحاء العالم!
مي محمد ✍️✍️✍️