تقسيم محافظات مصر

ناس كتير لو سألتها عن محافظات مصر او عددهم في الغالب متعرفش .. ووفقا لدراسة عملتها 90% من الناس هيعجزوا يفتكروا كل المحافظات .. رغم إن الفنانة وردة غنت للمحافظات اغنية جميلة بتقول فيها لبنتها “شوفي خريطة مصر جميلة شوفي جميلة ازاي…”…

لكن خلينا نتكلم في السلسلة دي .. عن محافظات مصر .. جم منين .. قسموهم ازاي .. وهكذا ..

مصر اداريا تقسم لـ 7 أقاليم .. كل اقليم فيه كذا محافظة …

الـ 7 أقاليم هي ايه؟

1 – إقليم القاهرة الكبرى ودا يشمل 3 محافظات … هي القاهرة – الجيزة – القليوبية.. وكلهم بيربطهم الدائري..

2 – إقليم الإسكندرية ودا برضه.. يشمل 3 محافظات هي .. الإسكندرية – البحيرة – مطروح. (كدا 6 محافظات).

3 – إقليم الدلتا ودا كبير شويتين .. ودا بيشمل الدقهلية – وكفر الشيخ – والغربية – والمنوفية – ودمياط يعني 5 محافظات.

4 – أقليم القناة انت اكيد عارف مدن القناة 3 الاسماعيلية وبورسعيد والسويس .. ومعاك سينا شمال وجنوب .. وضيف عليهم الشرقية .. يعني 6 محافظات .. كدا بقينا 17 محافظة… (3 كبري – 3 اسكندرية .. 5 دلتا = 6 قناة).

5 – إقليم شمال الصعيد ودي بتبدأ من بعد الجيزة وانت مقبل … يعني بني سويف والمنيا عروس الصعيد – والفيوم.. كدا بقينا عشرين محافظة..

6 – اقليم وسط الصعيد ودا محافظتين بس .. اللي هما .. اسيوط .. والوادي الجديد… (كدا بقينا 22 محافظة)

7 – إقليم جنوب الصعيد ودا يا سيدي بيتكون من 5 محافظات .. الا وهي (سوهاج – قنا – الأقصر – أسوان – البحر الأحمر) .. كدا بقينا 27 محافظة .. يعني محافظات مصر 27 محافظة..
طيب اللخبطة جات منين .. اللخبطة انهم مرا كانوا فاضيين مش لاقيين حاجة يعملوها فقالك .. احنا هنخلي اكتوبر محافظة لوحدها .. ونخلي حلوان محافظة لوحدها.. وبعدين قالك الدنيا بهوقت .. فرجعوهم تاني .. كمان الاقصر كانت مركز في قنا .. بس علشان قيمتها السياحية خلوها محافظة لوحدها…

مي محمد ✍️✍️✍️