بعد 136 سنة من إعــدامه .. طلع براءة !
سنة 2018 الرئيس الأيرلندى مايكل هيجينيز أصدر قرار بالعفو وتبرئة متهم بعد إعدامه ب136 سنة.. وكان الأمر واضح إنه غريب جدا لأن قرار العفو فى الحالة دى هو مجرد رد اعتبار معنوى وأدبي بعد تنفيذ الحكم بأكثر من 100 سنة..
لكن تفاصيل القصة بتشير إلى أنه كان فى خلل واضح فى ضمانات العدالة أثناء محاكمة المتهم مولرا سيويج بتهمة تنفيذ جريمة قتل راح ضحيتها عائلة بالكامل، وقتها السلطات ألقت القبض على 8 متهمين كان بينهم مولرا اللى لم يكن له أى علاقة بالحادث وتمت محاكمتهم بشكل عاجل وفى غياب تام للقرائن والحجج ضد المتهمين، ووصل الأمر أن المحاكمة كانت باللغة الإنجليزية فى حين أن مولرا سيويج كان بيتحدث الأيرلندية فقط ولا يعرف اللغة الإنجليزية ولم توفر المحكمة له مترجم، فمكنش عارف هو بيتحاكم على ايه ولا ايه اللى بيتقال فى المحكمة، بل إن اتنين من المتهمين اللى شاركوا فى الجريمة اعترفوا بوضوح إن الراجل ده ملوش أى علاقة، لكن المحكمة مخدتش بكل ده وأصدرت حكمها بالإعـــــــــدام فى حقه عشان يتم إعـــــــــدامه رغم إنه كان العائل الوحيد لعائلة مكونة من 5 أطفال وزوجة..
دي واحدة من القصص اللي بذكرها دايما لإنها بتأكد إن ضمانات العدالة هى أهم ما يجب أن يتوفر فى أى محاكمة .. صحيح تم تبرئة ساحة المتهم بعد 136 سنة لكن هل البراءة هتفيده بعد إعـــــــدامه؟
مي محمد ✍️✍️✍️