اليهودية احد الاديان السماوية التلاتة ولكن اقلهم انتشارًا ..فالماذا !؟
المسيحيه هي الاكثر انتشارا ب ٢،٤ مليار
• ٥٠٪ منهم كاثوليك ، ٣٧٪ بروتستانت ،١٢٪ أرثوذكس
الاسلام ٢ مليار
• ٨٠-٩٠٪ سنه ، ١٠-٢٠٪ شيعة
اليهودية ١٤ مليون و ٤٠٠ الف
ايه هو سبب عدم انتشار اليهود او ليه عددهم قليل كده ؟
يعني مثلا المسيحيه نسبه نموها ١.٤٣ ٪ ونمو الديانة بسبب المواليد الجديده من اسر مسيحية .
والاسلام نسبه نموه تقريبا ٢.٩ ٪ كأسرع نسبة نمو مابين الأديان .
انما في اليهودية الموضوع مختلف تماما نسبه نموهم اقل بكتير وفي اوقات مختلفه من الزمن بتكون بالسالب بيقلومش بينمو حسب بعض المصادر عدد اليهود سنه ١٩٦٧ وصل ل ١٣.٨ مليون
سنه ١٩٨٢ اصبحوا ١٢.٩ مليون نقصوا مليون بدون حروب او اباده او اي شئ كان بسبب قله المواليد والظروف الطبيعية .
المشكله الاكبر اللي بتقابل الديانة اليهودية ان مش من السهل اعتناقها زيها زي الحفلات vip مينفعش تروحها بدون دعوه هذا مثل الديانه اليهودية لازم عشان تكون يهودي لازم تكون تمتلك ام يهودية ،اذا رجل يهودي تزوج امرآه ليست يهودية المولود لا يكون يهودي .
عشان كده في اوروبا وامريكا عدد اليهود بيقل بسبب العلمانية والزواج المختلط من اصحاب الديانات الآخري .
في دراسة لمركز ابحاث pew research center كانت هذه الدراسه في ٢٠١٣ ولاحظت ارتفاع كبير في نسب اليهود غيرالمتدينين واذياد نسبه الزواج المختلط وتراجع في نسبه اليهود اللي بيربوا اولادهم تربية يهودية .
طبعا كلنا عارفين ان حكومه الاحتلال الصهيوني بتمنح اي يهودي في العالم حتي لو عاش طول عمره في جزيره في اخر الدنيا مثلا جزيره بابوا غنيا الجديده في الجزء الأخر من الكره الارضية اهو حكومة الاحتلال هتمنح الشخص ده حق الجنسيه والمواطنه في اسرائيل يجي ويعيش براحته علي ارض فلسطين المحتلة عشان بس هو يهودي .
فيه وزاره في إسرائيل اسمها وزاره الاستيعاب والهجرة الوزاره دي بتقول ان معظم يهود العالم يوصل ل ١٤ مليون و٤٠٠الف بينما فيه ٢٣ مليون يهودي لم يتربوا علي التربية اليهودية لكن ليهم حق العودة للعيش فيه إسرائيل وليهم حق المواطنه والحصول علي الجنسيه ويعيشوا في اراضي الفلسطنين اللي اتسرقت كده لمجرد انهم يهود .
١٤ مليون يهودي فيه منهم ٦ مليون عايشين في دولة الاحتلال و ٥ مليون و٦٠٠ الف في امريكا وفرنسا في المرتبه الثالثه بيعيش فيها ٤٧٦ الف بعدها كندا وفيها حوالي ٣٦٠ الف يهودي وبريطانيا هي الدولة الخامسة في العالم من حيث عدداليهود نسيب الدول الغربية ونركز شويه في الدول المسلمة هنلاقي ايران تحتل المرتبة الأولي ويعيش فيها ٩٩٠٠ يهودي والمرتبه التانيه عندنا المغرب عايش فيها ٢٤٠٠ يهودي وتونس يعيش فيها ١١٠٠ يهودي اما مصر يعيش فيها حوالي١٠٠ يهودي فقط .
مصر قديما عاش فيها من ٨٠ ل ١٠٠ الف يهودي وكانوا جزء من النسيج الوطني المصري وكان لهم حق المواطنة وكانوامؤثرين اجتماعيًا وثقافيًا واقتصاديًا في مصر يعني وجودهم كان حق مثل المسلمين والمسيحيين وليهم قصص كبيره ومشوقة ولكنهم اختفوا حاليا من مصر .
مي محمد ✍️✍️✍️