فيه حاجة ممكن تغير حياة الإنسان بسهولة، فهي بكل تأكيد “القراءة”، علشان كده المليارديرات المشهورين وبناة الثروات حوالين العالم زي بيل جيتس، وإيلون ماسك، ومارك زوكربرج، وجاك ما، معروف عنهم إنهم “قراء شغوفين”.
احنا هنا فى مصر من أكثر بلدان المنطقة اهتماما بالقراءة، وواحد من المشروعات المهمة اللى عملتها مصر هو “المشروع القومي للقراءة”، واللى نظم مسابقة فاز بيها ابن محافظه “الغربية” إبراهيم جابر عن فئة جائزة المعلم المثقف.
إبراهيم هو شاب ثلاثيني، يعشق القراءة من صغره ويقرأ فى كل أوقات فراغه تقريبا، تابعت إبراهيم وحكايته، وهو بيقول إنه بيقرأ من وهو 25 سنة، وازاي القراءة ساعدته إنه يكون معلم مؤثر فى طلابه كمعلم تاريخ.
إبراهيم شايف إن دوره كمعلم فى الحياة إنه يخلي الولاد يحبوا القراءة، إنه ينشر هذه الهواية المفيدة والنافعة، وإنه يخلي كل الشباب يقرأوا.. بارك الله فى إبراهيم وكل الشباب الواعى اللى زيه..
مي محمد ✍️✍️✍️