هل يا ترى تعرف الراجل اللي قدامك في الصوره ده؟ طيب تعرف هو عمل ايه؟ ضحى بايه طيب؟
اقولك… المفروض ان في 14 مايو من كل سنه العالم كله بيحتفل بذكرى اكبر مغامره علميه في التاريخ لانهم بيفتكروا فيه تضحيه العالم اللي في الصوره ده اللي اسمه “ادوارد جينر” بابنه الوحيد لتجربه تطعيم الجدري في واخطر مغامره علميه في التاريخ.!
في الوقت ده يا سيدي كان مرض الجدري اللي هو المفروض داخل علينا شويه كده او بمعنى اصح دخل يعني، المهم كان الجدري وقتها وباء منتشر جدا وبيحصد ملايين الارواح لدرجه انه قتل حوالي 60 مليون شخص في فتره حياه ادوارد بس !
والعلماء كلهم فشلوا بانهم يخترعوا علاج للمرض القاتل ده بس العالم ادوارد لاحظ حاجه غريبة وهي ان مربيات الابقار وبائعين اللبن مش بيجيلهم المرض ده.
ف فكر في نفسه كده وقال ان ممكن اصابتهم بجدري الابقار اللي هو المفروض اقل خطوره بيحميهم من جدري البشر فكان لازم ولابد ان هو يحقن متطوع من البشر بجدرى البقر وبعدين يرجع يحقنه تانى بجدرى البشر عشان يتأكد من صحه التوقعات اللي في دماغه
ويا ترى كان مين المتطوع ده؟! كان ابنه الوحيد اللي كان من المحتمل ان هو يموت بمناسبه انها تجربه في دماغه لسه ومش متاكد منها، بس هو مفكرش في وقتها وقرر ان هو يعمل التجربه دي وخاصه ان هو كان شايف ملايين من الناس بيموتوا بسبب المرض القاتل ده وبالفعل عمل التجربه عليه ونجحت وعاش الابن والعالم كله كسب اعظم انجاز طبى ف التاريخ وهو فكرة التطعيم اللى انقذت ملايين من البشر وقتها.
مي محمد ✍️✍️✍️