في الساعات الاخيرة تداولت مواقع التواصل صور الجندي الحقيقي واسمه محمد صلاح إبراهيم مقيم في منطقه عين شمش بالقاهرة يبلغ من العمر ٢٢ عامًا مشهور بين أصدقائه بالرسام من شده حبه للرسم ..
ايه اللي بيحصل بين الجيش المصري والجيش الاسرائيلي من فجر السبت الموافق ٣ يونيو ٢٠٢٣ هل كان بيتبادل الجيشين اطلاق الرصاص علي الحدود المصريه الاسرائلية ونتج عنه استشهاد جندي مصري و٣ من جنود الصهيانه ولا كان الاستشهاد للجندي المصري داخل الكيان الصهيوني بعد اعلان الجيش الاسرائيلي في ساعه مبكره من صباح يوم السبت انه تم العثور علي جندي وجنديه مقتولين في موقع عسكري للجيش كما قتل جندي اسرائيلي تالت وتم اصابه ضابط صف علي يد افراد الامن المصري المسلحين .
القصه بتبدأ من فجر السبت الموافق ٣ يونيو ٢٠٢٣ مع مجنده اسرائيليه اسمها ليا عندها ١٩ سنه ومجند اسمه اوهات موجودين في نوبه حراسة مسؤله عن تأمين الحدود الاسرائلية واللي واقفه علي الحدود من ناحية الاراضي الصهيونيه والكتيبة دي بتبعد عن قطاع غزه بحوالي ٤٠ كيلو متر .
الاتنين المجندين دول كانوا اعدين في الكتيبه عادي جدا والمفروض ان يجلهم اشارة عباره عن رسالة راديو من الضابط المسؤل عنهم في الكتيبة يعرف منهم اخر الاخبار وبالفعل الساعه ٤ بعتلهم الاشارة لكن الاتنين المجندين دول مردوش عليه فالظابط اخد العساكر وخرج عشان يشوف ايه اللي حصل واتفاجأ ان ليا واوهات مقتولين والغريبة ان الرصاص اللي اتضرب عليهم كان خارج من بندقية عادية مش قناصة وده معناه ان الاشتباك الحاصل بين القاتل والاتنين المجندين كان علي مسافة قريبة .
رجع الصابط فورًا علي القيادة وبلغهم بالحادثة ولأن الجيش الاسرائلي مش سهل عنده ابدا انه يتقتلوا مجندين فا فورا طلعت الدوريات عشان تشوف مين القاتل ، الدوريات وهي في طريق بحثها عن القاتل جوا الاراضي المحتلة اتفاجأت بجندي من الشرطة المصريه والشرطي ده فتح سلاحه علي عربية العساكر الاسرائلية وقتل ضابط اسرائيلي واصاب ضابط صف واثناء تبادل النيران استشهد الجندي المصري وكشف الجيش الاسرائلي في بيانه يوم السبت تفاصيل عملية اطلاق النار واللي اتقتل فيها ٣ جنود اسرائيلين ولم يكشفوا اي بيانات عن هويتهم بالاضافة الي شرطي مصري وجه في البيان الاسرائيلي …
في ساعات الصباح الباكر وخلال نشاط تأمين الحدود قتل جندي ومجنده من جيش الدفاع في نقطه عسكريه نتيجه تعرضهما لإطلاق نار علي الحدود المصريه كما قتل شرطيًا اسرائيلي ثالث وفي ساعات الظهر رصدت القوات العسكرية خلال اعمال التمشيط مطلق النيران نفسه داخل الأراضي المحتلة ،حيث اندلع تبادل لإطلاق النيران تمكن من خلال الجنود من قتل المسلح المصري وخلال الاشتباك قتل جندي إسرائيلي وأصيب ضابط صف بجروح طفيفة
وفي وقتا لاحق قال الجيش المصري ان احد عناصر قواته الامنية لقي مصرعه خلال العملية ضد مجموعة من المهربين لكنه مقالش انه كان مسلح ونشرت صحيفه ها آرتس الاسرائلية ان عمليه اطلاق النار علي الحدود المصريه الاسرائلية صباح السبت اللي قتل فيها ٣ إسرائيلين كشفت نقطة ضعف كبيرة في صفوف الجيش الاسرائلي واوضحت الصحيفة انه بسبب العملية دي هيتطلب من الجيش الاسرائلي معرفه اذا كان فيه تغيير للأسوء في الحدود وهل عليه تغيير نهجه اتجاه القوات المصريه علي الناحيه التانيه من الحدود .
الأمر اللي هيحتاج نشر مختلف للقوات وتخصيص موارد اضافية وتحسين المعلومات الاستخبارية وذياده قدرات المجندين الاسرائليين علي الحدود المصريه وذيادتها .
قال ريتشارد هيشت المتحدث الرسمي للجيش الاسرائلي ان الحادث حصل بعد ساعات فقط من احباط عملية تهريب مخدرات علي الحدود وكميه المخدرات اللي اتصادرت كانت قيمتها ٤٠٠ الف دولار وان المهرب استخدم سلم لعبور الحاجزاللي بيفصل بين الحدود المصريه والاسرائيليه .
بأنهي منطق يقول ان شخص هيعرف يخترق سياج ضخم وحائط طوله ٢٥٠ كيلو متر وبالمناسبة الحائط اسرائيل فضلت سنتين تبني فيه من ٢٠١٠ ل٢٠١٣ واتكلف بنائه ٤٥٠ مليون دولار .
اضاف ريتشارد لكلامه ان الحدود بين مصر واسرائيل كانت مسرح لمحاولات تهريب كتيره وده ادي لوقوع اشتباكات بالذخيرة الحية للسنوات الآخيرة بين المهربين والجنود الاسرائيلين المتمركزين علي طول الحدود .
وفي يوم الأحد وصف رئيس الوزراء الاسرائيلي بنيامين نتنياهو في بداية جلسة الحكومة في حادثه مقتل ال ٣ جنود الاسرائيلين انه هجوم ارهابي مأساوي واكد نتنياهو ان الحادث الامني علي الحدود مع مصر مجرد حادث عابر ولن يؤثرعلي التعاون المشترك .
وكانت هيئه البث الاسرائلية كشفت عن تعزيزات كبيره للجيش الاسرائلي اتجهت نحو معبر نتسان علي حدودها مع مصر .
طب الشرطي المصري اتقتل ازاي جوا الأراضي المحتلة هل كان بيطارد مهربين المخدرات وشاف المهربين وهي بتعدي السياج فاقال لما امشي وراهم ….اكيد لأ ….
ده لأن الجنود المصريه مدربه علي كفاءه عالية جدا وعارفة انهي منطقه تابعه لحدودها وانهي منطقه تابعة للمحتل ده غير انهم عارفين قواعد الاشتباك كويس جدا وبرغم كده اكد الجيش المصري ان احد افراد الامن المصري المكلف بتأمين خط الحدود الدولية اخترق حاجز التأمين ودخل ارض الكيان الصهيوني وتبادل اطلاق النيران اثناء مطاردته عناصر لتهريب المخدرات واكد الجيش المصري في بيانه مقتل ٣ مجندين اسرائيلين واصابة جندين اسرائيلين اخرين بالاضافة الي وفاه فرد التأمين المصري وقال المتحدث العسكري للقوات المسلحه المصريه علي صفحته علي الفيس بوك ” قام احد العناصرالمكلفة بتأمين خط الحدود الدولية بمطاردة عناصر تهريب المخدرات وأثناء المطاردة قام فرد الأمن بإختراق حاجز التأمين وتبادل إطلاق النيران مما ادي الي وفاه عدد ٣ افراد من عناصر التأمين الاسرائلية واصابه عدد ٢ آخرين بالاضافة ألي وفاه فرد التأمين المصري اثناء تبادل إطلاق النيران ” وافاد البيان المصري انه جاري اتخاذ كافه اجراءات البحث والتفتيش والتأمين اللازم للمنطقة واتخاذ الاجراءات القانونية حيال الواقعة .
في نفس الوقت اشار افيخاي ادرعي المتحدث بأسم الجيش الاسرائلي للأعلام العربي الي ان قوات الجيش الاسرائلي تواصل اعمال التمشيط في المنطقة للتأكد لعدم وجود مخربين اخريين وقال المتحدث الرسمي بأسم الجيش المصري في بيان نشر علي مواقع التواصل الاجتماعي ” فجر اليوم السبت الموافق 3 / 6 / 2023 قام أحد عناصر الأمن المكلفة بتأمين خط الحدود الدولية بمطاردة عناصر تهريب المخدرات .. وأثناء المطاردة قام فرد الأمن بإختراق حاجز التأمين وتبادل إطلاق النيران مما أدى إلى وفاة عدد ( ۳ ) فرد من عناصر التأمين الإسرائيلية وإصابة عدد ( ۲ ) آخرين بالإضافة إلى وفاة فرد التأمين المصرى أثناء تبادل إطلاق النيران .. وجارى إتخاذ كافة إجراءات البحث والتفتيش والتأمين للمنطقة وكذا إتخاذ الإجراءات القانونية حيال الواقعة .
خالص التعازى لأسر المتوفين وتمنياتنا بالشفاء العاجل للمصابين ”
دلوقتي انت اكيد عايز تعرف مين هو الجندي المصري ،الحقيقة ان في الساعات الاخيرة تداول نشطاء مصرين عبر موقعي الفيس بوك وتويتر صوره منسوبه للجندي المصري اللي توفي علي الحدود المصريه الاسرائلية ولكن بعد البحث عن الصوره تبين انها ليست للمتوفي وان مفيش اي معلومات منشورة عنه لحد اللحظة دي والصوره اللي تم نشرها دي صوره الشهيد البطل الجندي محمد المعتز رشيد اللي استشهد عام ٢٠٢٠ خلال الحرب ضد الارهاب في رفح سيناء وهزت وجدان ملايين المصريين واكتشف زملاء الشهيد البطل انه كان يحتفظ برسايل يكتبها لوالده عشان توصله بعد استشهاده وكان نص احدي الرسائل “الي ابي الغالي وحبيبي واحلي اب في الدنيا انا اسف ياابي العزيز لم اقل لك انفي رفح أقاتل في سبيل الله ، خوفا من ان تقلق وخوفًا علي صحه حضرتك ،والله انا سعيد جدا وكل حاجه في هذا المكان مباركة وجميلة ،هي سينا كده وحضرتك عارف ،ياابي ان كنت نلت الشهادة بأمر الله تأكد أني في مكان جميل مع الشهداء والأنبياء والصالحين ،يارب العالمين يملأ قلبك الصبر والإيمان ،انا ان شاء الله في جنات رب العالمين الكريم الرحيم ”
وفي النهايه احنا ادام عدد كبير جدا من علامات الاستفهام في القضيه خصوصا بعد تراجع اعلام العدو عن رواية تهريب المخدرات بعد بيان المتحدث العكسري المصري واللي بالتأكيد سبقه اتصالات بين الجانبين بين الاسرائيلي والمصري وده معناه ان ممكن تكون القيادات المصريه معاها معلومات مش معروفه وغامضه عننا والكيان الصهيوني مش في مصلحته ان المعلومات دي تظهر وده اكيد من تغيير تصريحات اعلام العدو في وصف الشهيد المصري من مخرب الي شرطي ..
مي محمد ✍️✍️✍️