مها صبري سيدة الأفراح.. أفسدتها السياسة وأعادتها أم كلثوم للفن والزئبق الأحمر قضى عليها !
حياة مليئة بقليل من الورد وكثير من الأشواك، رسمت مشوار الفنانة مها صبري ، فلم تمهلها الحياة أن تستمتع ببريق الشهرة التي حققتها خلال رحلتها الفنية منذ أن اكتشفتها المنتجة مارى كوينى عام 1959 وقدمتها فى فيلم “أحلام البنات” أمام رشدى أباظة .
شاركت بعد اكتشافها فى بطولة فيلم “عودة الحياة” و”حسن وماريكا” كما شاركت في مجموعة أفلام منها:”حب وحرمان، لقمة العيش، إسماعيل يس فى السجن، أنا العدالة، حب وعذاب، حكاية غرام، القاهرة فى الليل، حلوة وكذابة،منتهى ال فرح ، العمر أيام، تنابلة السلطان، حكاية العمر كله، السكرية ، دنيا، الحياة نغم، كباريه الحياة”.
ويعتبر دورها في بين القصرين والتى جسدت فيه دور عالمة بشارع محمد علي، أكثر أدوارها تميزا فى السينما.
* غنت للأطفال أغنية شهيرة وهي “كت كت كتاتيتو كتكوتى”.
مها صبري صاحبه اكبر اغنيه شعبيه ومعروفه في كل بيت مصري وعربي الاغنيه دي اسمها (ماتزوقيني ياماما )حياتها مليانه بالأسرار لكن اهم سر في حياتها هو علاقتها بالزئبق الأحمر ..
١٩٣٢ اتولدت الفنانه مها صبري واللي اختار اسم مها صبري هو الفنان عبد السلام النابولسي اسمها الحقيقي ذكيه فوزي محمود اشتهرت كافنانه في فتره الخمسينات وعملت مجموعه كبيره جدًا من الافلام السينمائية والأغاني الشعبية ولكن بلون متميز وراقي وشاركت في اكتر من ٢٥ فيلم سينما ومها صبري فضلت تقدم مجموعه من الافلام والاغاني الشعبية المتميزة وكان ليها تجربتين في الجواز لكن التجربة التالته هي اللي غيرت لها حياتها .
مها صبري اتجوزت من شخصيه سياسيه معروفه ولكن اشترط عليها انها تعتزل الفن وتختفي تمامًا عن الاضواء وفعلًا عملت كده واستمرت معاه لفتره طويله لحد ماحصلت بعض التغييرات والشخصيه السياسيه دي توفت واكتشفت مها صبري ساعتها انها خسرت كل حاجه وكانت عايزه تاني ترجع للوسط الفني وترجع تشارك في الأعمال الفنية ومكنش عندها حل تاني غير انها تطلب الوساطه من ام كلثوم عشان ترجع تقدمها تاني للجمهور .
ام كلثوم وافقت وساعدتها لكن مها صبري في الوقت ده جالها مرض قرحة المعده وفضلت تعاني منه لمده ٤ سنين ولما بدأت تتعالج بشكل تدريجي قررت انها ترجع للفن تاني لكن اثار الشيخوخة وكبر السن بدأ يظهر علي وشها ومن هنا تبدأ علاقه مها صبري بالزئبق الأحمر .
واحده جارتها قالتلها علي ست مشعوذه هي عارفاها الست دي تقدر بعلاقات مع الجن وبطريقة معينة انها ترجعلها شبابها تاني وتخلي شكلها يبان بحالتها الاولي .
وجمالها اللي الناس متعوده عليه وفعلًا مها صبري صدقتها وراحت للست المشعوذه والست دي اول طلب طلبته منها انها هتعالجها بالزئبق الاحمر وقالتلها ان الجن بيحب الزئبق الاحمر وبمجرد مابيدوقوه بينفذلها كل طلباتها وكل الأوامر وفعلًا مها صبرري دفعت فلوس كتير والست المشعوذه اقنعتها انها اشترتلها الزئبق الاحمر وقالتلها ان الجن طلب منها ان زي مالجن هياخد زئبق احمر لازم كمان مها صبري تتناول الزئبق الأحمر مع مجموعه من الأعشاب الست المشعوذه هي اللي محضراها .
وبدأت تقنع مها ان شكلها بدأ يتغير وبدأت تصغر في السن وبدأت مها تدفع اكتر وتشتري كميات اكبر من الزئبق الاحمروطبعا هي مقتنعه ان المادة اللي لونها احمر دي هي دي الزئبق الاحمر وبدأت الست تجبلها الأعشاب وتحطلها عليها الماده الحمرا دي وتطلب منها تاكل الاعشاب دي بانتظام وفي كل مره الست المشعوذه تقنعها انها ظهر عليها الصغر في السن لكن بعد ٤ سنين من تناول الاعشاب دي مها تعرضت للأتي اولها اتعرضت لتدمير الحهاز العصبي تمامًا وبعدها تليف وقتل خلايا الكبد وبعدها دخلت في غيبوبه لحد ماتوفت سنه ١٩٨٩ ولحد تاريخ الوفاه كان فيه ناس قليلين جدا قريبين من مها صبري عارفيين انها كانت بتسمع كلام المشعوذه وكانت بتتناول الاعشاب دي اللي عليها الزئبق الاحمروانه معملهاش اي حاجه وادي الي وفاتها .
ناس كتير ومشاهير كتير جدًا اتنصب عليهم بسبب الزئبق الاحمر ودي ماده بيتصارع عليها ٣ اصناف :
الصنف الاول الدجاليين والمشعوذين
الصنف التاني هما الناس اللي بيدوروا علي الآثار او اللي بتبحث عنها
الصنف التالت هي الجهات المسؤولة عن التجارب المختلفة
مي محمد ✍️✍️✍️