“التولبا””الصديق الخيالي”

دايمًا نسمع في الأفلام الأجنبية عن مصطلح “الصديق الخيالي” اللي بيكون مُلازم للطفل، وهناك الأمر عندهم منتشر ومعروف جداً حسب ثقافتهم بالفعل.
لكن هل عرفت ياصديقي إن الصديق الخيالي ده في أوقات كتير جداً بيكون كارثة وخطر على الطفل لو استمر معاه؟!
طيب عِرفت أنه اسمه “التولبا” ومش بيكون خيالي في أوقات كتيره!
تعالى معايا كده نعرف ايه هو التولبا ومخاطره الحقيقية..
بعض علماء النفس عرفوا”التولبا” بأنه مخلوق خيالي يسكن عقل الانسان، وقالوا أنه مش لازم يكون بشري. ممكن جداً يكون حيـوان أو أحد المخلوقات الأسطورية.. وإن التولبا مش بيظهر فجأة ولا مرة واحدة..
التولبا لازم له مُضيف يستقبله، يعني عقل وجسد يكونوا مؤهلين لتواجد التولبا.
البعض بيقول إن التولبا شيء والصديق الخيالي شيء تاني، لأن الصديق الخيالي ميقدرش يتجسد في الواقع، لكن التولبا بيقدر وبينتقل من مجرد أصوات في العقل لكائن متجسد لصاحبه، طبعاً كده بقى الأمر مختلف عشان تزيد الشكوك تجاه التولبا أنه مش مجرد ظاهرة انتشرت في عالم الثيوصوفيا الغربية أو التصوف الغربي بل أنه أصبح مثار جدل وبحث عشان تظهر افتراضية تكاد تكون هى أقرب للمنطق إن التولبا هو “القرين” ودللوا على ده بإن الصديق الخيالي بيكون له وقت معين ويختفي، أما التولبا لأ
طبعاً مصطلح التولبا غريب علينا في المجتمعات العربية وهو مصطلح نازح من فكر غربي ثيوصوفي بدأ سنة ١٩٠٠تقريبا، ده غير أنه التولبا ده بدأ صنعه وتحضير طقوسه داخل الديانة البوذية وطبعا معروف إن البوذية والهندوسية على حد سواء منبع طقوس كتير وثنية ومداخل للشياطين وللأسف صدروا الفكر ده بقوة ونشروه زي ثقافة اليوجا، والشاكرات وكل دي ما هي إلا معابر لفتح بوابات لمرور الشياطين للجسد والسيطرة عليه..
البعض بالفعل مؤمن جداً بما تروجه الثقافة البوذية والهندوسية في مجالات التأمل والطاقة وللأسف مش مقتنع إن الغرض الوحيد هو السيطرة من الشياطين عليه ولكن من خلال علوم شريرة زائفة
التولبا تكمن خطورته في إن المضيف أو الجسد والعقل البشري للشخص اللي قرر يصنع التولبا الخاصة به أيا كان نوعه بشري أو حيـ وان ناطق، هيلاقي نفسه فجأة هو اللي تابع للتولبا مش العكس، ويصاب بحالة من الانعزال الشديد والبعد عن المجتمع وأصبح مجرد دمية في يد مخلوق مجهول، أو أسير لمرض نفسي شديد..
التولبا ماهو إلا القرين اللي بيستغل كل الأفكار دي لصالحه ولا يخفى عليك إن القرين أصلا جن أو شيطان الوسوسة الخاص بيك ومهمته التغذي على روحك، وكل ما زادت طاقة الايمان عندك كل ما تفنن هو في صنع أي انتكاسه
فإذا قررت اعتناق فكر التولبا وأخذت الخطوة في صنع التولبا الخاص بك هتلاقي كل الخطوات بتتسهل معاك، ويخرج التولبا من مجرد حديث في العقل لكائن متجسد بتشوفه بالفعل..
ويخدعك معتنقي الطاقة بإن التولبا تجربة مثيرة وهيطلع لك التولبا الايجابي اللي يساعدك ويدعمك لكن للأسف كل ده كذب وجر رِجل وبس،. التولبا مجرد ثغرة من ثغرات سيطرة الشياطين ع البشر ليس إلا
التولبا بيتطلب اهتمام زائد به فقط يعني يستحوذ عليك لنفسه! مفيش انخراط في المجتمع ولا أي عمل بدونه وإلا غضب وصنع ضوضاء وهواجس ومخاوف داخل عقلك وانقلب عليك..
التولبا مهمته أنه يصنع منك انسان هش وضعيف ومتسيطر عليه دايما وده اللي بيعمله الشيطان وأنه يتلف عقلك ويشتتك ويشكك في كل حاجه وتبقى شخص غير سوي نفسيا للأسف. وكل ده بيبتدي ب الوهم وأكتر الأشخاص اللي بتلجأ للتولبا هم أكترهم تضررا نفسيا يعني بيعانوا نفسيا من حاجات معينة زي قلة الثقة في الآخرين، عدم وجود شخص في الحقيقة يحتوي مخاوفهم وحديثهم النفسي اللي بيقلقوا يتكلموا فيه مع حد، فبيلجأوا لصنع كائن يقدروا يتعروا أمامه نفسيًا.
مصطلح التولبا هو أكذوبة مغلفة بأوهام صنعت من خلال الشيطان للسيطرة على البعض…

مي محمد ✍️✍️✍️