من زمان جدا والناس بيسالوا سؤال خطير وهو ليه في عدد كبير من الاطفال بيختفي سنويا؟!
في تقديرات بتقول ان في امريكا بيختفي سنويا اكثر من 460 الف طفل، و بريطانيا بيختفي فيها 130 الف طفل سنويا !!
الحقيقه ان اللغز المخيف اللي يحير ده ظهر تحت مسمى ظاهره اسمها (البيدوفيليا)
البيدوفيليا دى اضطراب جنسى بيميل فيه الشخص البالغ جنسيا للاطفال اللى لسه مبلغوش واللى عادة عمرهم بيكون من سن 7 سنين لـ 13 سنة
ومتورط ف الموضوع ده مشاهير وسياسين كبار جدا
وبدات تظهر جوانب الموضوع ده في الانتخابات الامريكيه سنه 2016 بين” ترامب وهيلاري كلينتون”
اللي حصل ان مدير حمله هيلارى السيد (جون بوديستا) اللي كان في نفس الوقت مستشار للرئيس اوباما تم إختراق حسابه، وظهر على حسابه ده رسايل مشفرة بتنص على استهداف الأطفال !
واللي نشر تسريبات الرسائل دي هي منظمه اسمها
“ويكيليكس” ودي منظمه بتنشر تقارير وسائل الاعلام الخاصه والسريه وبتدعمها مؤسسات وشبكات معروفه.
واحده من الرسايل المشهوره دي كانت من اخوه وكان بيقوله فيها :
” هل تريد بيتزا لمدة ساعة؟ ”
ايه ده ايه الرساله الغريبه دي؟ لنفترض مثلا يا سيدي انك عايز تاكل بيتزا فده هيكون موضوع مهم جدا لدرجه ان اشخاص مهمين في العالم يتشاركوه بالبريد الالكتروني؟!
ممكن تكون رساله غلط بس دي رساله بيقولوا فيها انه اوباما دفع 65 الف علشان يسافر للبيتزا دي مع العلم ان كلمه بيتزا اتكررت اكثر من مره في الايميل ده ومعاها اسم اوباما!
وفى رسالة تانية بتقول “حفلة بيتزا لهيلاري”
وكان المجتمعين في الرساله دي مجلس الوزراء اللي كان في عهد اوباما، يعني رساله بتورط النخبه كلها والغريب انهم كانوا كاتبين تكلفه كل بيتزا من 400 دولار ل 700 دولار.
بيتزا ايه اللي بالسعر الغالي جدا ده وازاي اصلا ان رحله اوباما هتتكلف 65 الف؟!!
كل الحاجات دي تخلينا نستنتج ان اصلا الرسائل المشفره دي لانواع اطفال او غيرها من امور البيدوفيليا !
و اللي يخلينا نثبت اكتر انهم اطفال ان في سنه 2017 اكتشفوا مواقع بيدوفيليه من دي كتير بتضم اكتر من 70 الف شخص كانوا بيستخدموا كلمه بيتزا للتشفير عن كلمه طفل وقبضوا على ناس كثيره جدا بسبب الموضوع ده !
واصلا قبل اختراق حساب جون بوديستا ده هو كان
دايما بيروح لمطعم بيتزا اسمه (كوميت)
وبعد ما قضيه الاختراق حصلت الناس رجعت لوثيقة للـ FBI واللي بدورها اظهرت رموز بيستخدمها المتحرشين بالاطفال عشان يعبروا عن النوع المفضل ليهم من الاطفال وكانت واحده من الرموز دي شبيهه جدا لرمز المطعم ده
كان صاحب المطعم ده اسمه “جيمس أليفانتيس”
وحسابه على الانستقرام كان كله عباره عن صور بتوحي لامور جنسيه والباقي صور اطفال
والغريبه بقى واللي يحيرك انهم استضافوا الراجل ده في برنامج قبل كده بس هما في البرنامج ما سألهوش عن اي حاجه تخص الموضوع ده يعني كأن الاعلام هو كمان بيغطى على القضيه لانهم وبشكل كبير بيتحكموا بالاعلام كله اللي بنشوفه في كل القنوات وبيملكوا حقوق 90% من شركات الاعلام زي اخبار واغاني وافلام او حتى كارتون، ده غير ان كمان في وقت ما كان الموضوع مثير للجدل جدا الشرطه متدخلتش في القضيه دي خالص ولا عملت اي حاجه وبصت للموضوع على انه نظريه مؤامره !
وجون بوديستا ده كمان كان عنده مجموعة صور رسمتها فنانة اسمها (بيليانا جورحيفيتش) كل الصور دى بلا استثناء كانت عبارة عن صور لأطفال باوضاع مخلة، واوضاع تعذيب، واوضاع قربان، وكمان كان عنده تماثيل على شكل أطفال ومفيش اى سبب لحد الان يفسر ليه راجل مهم زى دى يمتلك الحجات دى؟!
نيجى بقى عند رسالة تانية مرعبة جدا وهيا :
“سوف أضحي بدجاجة لأجل مولوك”
ملوك ده اله وثني صاحب نزعه شريره جدا مكنش بيرضيه الا قرابين البشر وخصوصا الاطفال فكانوا بيحرقوله الاطفال ويذبحوهم ويقدموهاله كقربان وفي التاريخ كله ما اتذكرش انهم قدموله قربان حيوان طب ازاي ومكتوب في الرساله دجاجه؟
ولا ايه اللي جاب رساله للوثن الشيطانى ده في ايميل واحد من اهم السياسيين؟!
معنى كده مثلا ان النخبه دي كانت بتمارس طقوس شيطانيه؟؟ الله اعلم.
وفي ظل كل الاحداث دي وعشان الموضوع بيضم ناس كبيره ومهمه فالطبيعي زي ما احنا عارفين ان هيكون فيه ناس بتغطي عليهم ومن الواضح ان كان في دوله تانيه جوه دوله امريكا بتقتل كل اللي بيحاول يفضح البيدوفيليين من اهل المشاهير والسياسه بطرق يتستروا فيها على نفسهم وكمان يبعتوا فيها رسايل تهديد بتوضح فيها قوتهم ونفوذهم للضحايا.
عندك مثلا ممثل امريكي اسمه”اسحاق كابي” كان ظهر في بث مباشر بيفضح فيه اسماء ناس مهمه وكبيره وبيقول انهم بيدوفيليين
وبعد البث ده نشر ممثل تانى اسمه توم هانكس صور كتب عليها “الطريق66” مع جملة”قتل الطريق”،
وبعدها ب 40 يوم لقيوا جثه اسحاق على الطريق 66 اللى توم كتب عنه بس الصحافه كالعاده نشرت وفاته على انها كانت انتحار
انت دلوقتي هتقول طب ما يمكن كان فعلا انتحار بس اسمحلي اقولك ان اسحاق ده كان دايما بيقول انه ما عندوش اي افكار عشان ينتحر يعني كأنه بيقول يا جماعه لو انا مت اتأكدوا اني اتقتلت
وفي ممثله تانيه في الارجنتين كانت بتطلع دايما تتكلم عن السياسيين والمشاهير وصلتهم بالبيدوفيليا وكمان كانت بتعمل كتاب عشان تفضحهم بالاسماء بس للاسف الكتاب ده ما شفش النور لانها ما تت قبل ما تخلصه.
وكانت قبلها كاتبه تغريده على تويتر وطلبت من الناس انهم يحفظوها قبل ما تتحذف كانت بتقول فيها :
“أنا لن اقوم بالإنتحار، لن اتعاطى جرعة زائدة من الكوكايين ولن اغرق نفسي في حوض الإستحمام أو أقوم بإطلاق النار علي في حال حدوث هذا اعلموا ان الفاعل لم يكن أنا”
وغير دول كان فى ناس كتير جدا بتحاول تفضحهم بس انا بحاول اختصر عليكم الموضوع
ده غير ان في اكتر من 50 شخص كانوا شركاء مع ال كلينتون اللي هو ايقونه الحزب الديمقراطي وكلهم ماتوا لاسباب غير طبيعيه، واتعرفوا تحت هاشتاج (عدّاد جثث آل كلنتون #Clintonbodycount) بمعنى أن آل كلنتون هم اللى قتلوا الناس دى.
طيب نيجي بقى للسؤال المهم وهو مين اللي بيروج للنظريات دي؟
في حساب اسمه Qanon ظهر على موقع 4chan في 2017 وبدأ ينشر نظريات وتنبؤات وتسريبات بيزعم فيها وجود عصابه من عبده الشيطان والمتحرشين بالاطفال بيحكموا العالم وانهم هم اللي بيسيطروا على كل حاجه وانهم كانوا هيفضلوا يحكموا العالم لولا انهم انتخبوا ترامب رئيس وبيقولوا ان اللي بيديروا الحساب ده مقربين من دايره الحكومه جدا
والحساب ده كان ليه شعبيه كبيره جدا حتى ان شعاره ظهر خلف ترامب بسبب قوه التسريبات اللي بيقولها وفعلا مره تنبا بمحاوله عزل ترامب وبعدها بفتره بدات محاكمه ترامب ووصلت لاحتماليه عزله في 2019 وغيرها من التنبؤات الثانيه.
وفى كمان ناس مشاهير كتير اتورطوا ف الموضوع ده ومنهم مايكل جاكسون وسعد المجرد وغيرهم وغيرهم والموضوع كمان ليه ابعاد تانية اخطر واكبر من كده….
مي محمد ✍️✍️✍️