وثروتها من الحلال و بالملايين ،ارملة الملياردير إنسي ساويرس وام نجيب وسميح وناصف اغني اغنياء مصر ،لكن كل ده مش سر ثروتها والسر في حاجه تانيه خالص .
المثل بيقول التراب في ايده بيبقي دهب اما هي بقي فا لقمامة في ايدها بقت دهب ،حققت منها الملايين وبقت اغني ست في مصر .
👈 حكايه الهانم يسرية لوزه …
اتولدت في ديسمبر عام ١٩٣٥ في اسيوط ولما كملت ١٧ سنه اتجوزت إنسي ساويرس ومروا بظروف صعبه كتير خصوصًا لما اتأممت املاكه علي ايد جمال عبد الناصر وما بقاش حيلته حاجه بس الاتنين كانوا بيبتدوا من الأول تاني بعد كل مشكله لحد ماعملوا اغني عيله في تاريخ البلد وعشان كده إنسي ساويرس كان بيقول يسريه اجمل صفقه في حياتي وعمره ما نسي وقفتها جنبه بعد التأمين لما سافر ليبيا سنين وهي اعدت هنا تربي اولادهم الثلاثة
الست يسريه مكتفتش انها مرات اغني راجل في مصر و ام اغني تلات رجال اعمال وقررت تعمل البزنس الخاص بيها واشتغلت في جمع وإعادة تدوير القمامة وكانت من اول الناس اللي استثمروا في المجال ده وابتدت نشاطها في نص التمانينات وشغلها زاد في أواخر التسعينيات وعملت شركة كبيرة لجمع القمامة وإعادة تدويرها من جديد وقدرت في وقت قليل انها تبقي اكبر مصدر لمخلفات القمامة لبعض الدول الأجنبية زي الصين عن طريق شركتها ارتقاء
كمان عملت مصنع لإنتاج وتعليب وتصدير لحوم الخنازير بالتعاون مع إسرائيل عياد إمبراطور تربية الخنازير بالقاهرة الكبرى
مملكة يسرية لوزه موجودة في حي الزبالين في القاهرة والكل هناك شغال لحسابها واسمها بينهم الهانم
شركاتها فاتحه بيوت الالاف من اللي بيجمعوا القمامة والمسؤلين عن الفرز وكمان الآلاف الستات شغالين معاها في إعادة تدوير القمامة ،هناك بيصنعوا حلي وانتيكات من علب البيبسي ومخالفات المطاعم والكافيهات كمان بيخرجوا الخيوط والحبال من القمامة ويشتغلوا منها علي النول والمنتجات بتتباع في معرض برا مصر وبالدولار طبعًا
عندها مصنع لتحويل مخالفات القمامة العضوية لسماد بيتباع بإسعار عالية ومصنع تاني بيصنع الطوب الاسمنتي والبلاستيك ومتعاقده علي اعادة تدوير معظم مخلفات المشروعات الكبيرة والمولات الضخمة ونتيجه لدرورها الكبير كسيدة مجتمع اتعينت عضو في مجلس الشعب من سنه ٩٥ ل ٢٠٠٠ وكانت عضو بالمجلس القومي للمراه والمجلس القومي للطفولة والامومة والغرفة التجارية بالجيزة وحاليًا هي مسؤولة النشاط الخيري والاجتماعي والثقافي لاسرة ساويرس وبتعمل خير بمبالغ ضخمة جدًا جدًا وفي السر
الحقيقة ان الست يسرية ليها دور في تحسين احوال الناس اللي شغاله في جمع القمامة وآثارهم ووفرت ليهم بيوت ووظائف ثابتة وعشان كده هم بيحبوها جدًا
اما ليه اختارت القمامة فبعيدًا عن المكاسب الكتير قوي يسرية بتقول ان حلمها انها تشوف القاهرة جميله ونضيفه
تحيه لهذه السيدة…..
مي محمد ✍️✍️✍️