اخر وجبات طلبها مجرمون قبل الحكم عليهم بالاعدام…
فيكتور هاري فيغير – زيتونة واحدة!
كان عنده 28 سنة، دخل السجن بتهمة الاختطاف والقتل العمد ، واتعدم شنقا فى 15 مارس سنة 1963
آخر وجبة طلبها فيكتور كانت ثمرة زيتون واحدة بالبذرة بتاعتها، وبعد اعدامه لقيو البذرة دى في جيب بدلته، بيقولو انه كان عايزها تدفن معاه عشان تطلع شجرة زيتون على قبره ترمز للسلام
توماس جي جراسو …
كان عنده 32 سنة، دخل السجن بتهمة قتل ضحيتين، واتعدم بالحقنة المميتة ف 20 مارس 1995
وجبته الاخيره كانت 20 مم بلح البحر، و20 محار، وبرجر مزدوج بالجبنة من برجر كينج، ومشروبين لبن بالفراولة، ونص فطيرة يقطين، وعلبة اسباجيتى مع كرات اللحمة، وفراولة
ديفيد ليون وودز – كعكة عيد ميلاد
تهمته كانت القتل واتعدم بالحقنة المميتة فى انديانا فى 4 مايو سنة 2007
ولان عيد ميلاده كان بعد 3 شهور من تنفيذ الحكم ف طلب بيتزا وكيكة عيد ميلاد يحتفل بيها مع اهله
جيمس إدوارد سميث – تراب!
اتهم بالقتل العمد واتحكم عليه بالاعدام بالحقنة المميتة، بس امه فضلت تدافع عنه بحجة انه اتعرض لغسيل دماغ من ممارسة السحر الاسود لانه قبل مايتقبض عليه كان مدعى بانه شارك فى طقوس 6 عمليات سحر
طلب وجبته الاخيرة تبقى تراب مخلوط بسحر الفودو عشان جسمه يتميز وروحه تتحرك ف اى مكان
بس طلبه اترفض وادوله الزبادى كوجبة اخيرة
أيلين كارول وورنوس – كوب قهوة
دي كانت قاتله متسلسله امريكيه قتلت سبعه رجال بين سنه 1989 و 1990
في 29 أكتوبر 2002 اتنفيذ حكم الإعدام بحقها بالحقنة المميتة. و وجبتها الأخيرة كانت فنجان قهوة بس!
وف سنة 2003 يعني بعد سنه من اعدامها اتصور فيلم عنها وعن جرائمها باسم “monster” وفاز بجايزة الاوسكار
فيليب راي وركمان – بيتزا نباتية للمشردين
عنده 28 سنة، فى 5 اغسطس سنة 1981 كان بيسرق مطعم وقتل ظابط شرطة بالرصاص اتحكم عليه بالاعدام بالحقنة المميتة ، وعشان يحاول يكفر عن ذنبه طلب انهم يوزعوا بيتزا نباتية على المشردين بمثابة وجبة اخيرة ليه يعنى بس طلبه اترفض ورفض ان هو ياكل اى حاجه، بس رغم كده يوم اعدامه مايو 2007 كل ملاجئ المشردين راحلها بيتزا نباتية من كل انحاء المدينة.
روني لي جاردنر …
قتل رجلين واتحكم عليه بالاعدام رميا بالرصاص فى 18 يونيو 2010
كانت اخر وجبة ليه غالية جدا وكانت عبارة عن شريحة لحمة، وديل كركند، وفطيرة تفاح، وايس كريم بطعم الڤانيليا، وسڤن اب
وكمان طلب ان هو ياكل الوجبة دى وهو بيشوف ثلاثية فيلم Lord of the Rings
ريكى راي ريكتور…
سنة 1981 ريكى قتل راجل ف مطعم ووافق انه يسلم نفسه للشرطة بس بعدها غير رأيه وضرب نار على ظابط شرطه وبعدها ضرب راسه بالرصاص بس من حظه انه نجا واتحكم عليه بالاعدام بالحقنة المميتة.
كان اخر طلب ليه هو شرايح لحم، وفراخ مقلية، وفطيرة جوز البيكان، ويوم اعدامه ساب الفطيرة وقال للظابط هبقى اجى اكلها بعدين
لورانس راسل بروير…
الراجل ده كان الختام وختامه مسك، كان متعصب للبيض جدا وف سنة 1998 انضم للعصابة بتاعته وربطوا الافريقى (جيمس بيرد) فى عربية وسحبوه مسافة 3 اميال لحد م راسه ودراعه اتقطعوا، واتعدم بالحقنة المميتة ف،ى 21 سبتمبر 2011
اخر طلباته كان بوفيه تقريبا، طلب ي سيدى شريحتين فراخ مقلية، و3 فطاير فاهيتا، و3 برجر باللحمة والجبنة، وشوية مشويات، وبيتزا باللحمة، وبامية مقلية، ونص لتر من الايس كريم، وزبدة فول سودانى بالمكسرات
ولما وافقوا على الوجبة وراحوا يقدموهاله رفض انه هو ياكل وقالهم انا مش جعان
ف مسؤولين السجن اتضايقوا جدا لدرجة انهم انهو ا تقليد استمر 87 سنة واللى هو تقديم وجبة اخيرة للمساجين قبل اعدامهم….
مي محمد ✍️✍️✍️